لي ميخمرليهاش العجين فالبرد…ها هو السر

العديد من النساء كيتشكاو من الخبز مكيجيش طالع لانه مكاياخدش كفايتو من الخمير خصوصا فالبرد و فالاماكن الباردة ربما يتعطل و بحكم عصر السرعة عندي لي السر لي غادي يهنيك

منين تعجني العجينة ديالك دريها فشى بانيو و جيبي بانيو اخر يكون كبير شوية على الاول او الكصعة ديري فيها الماء سخون حتى لنصف اديري البانيو لي فيه العجينة اغطيه كما العادة بهاد الطريقة كيخمر في نص ساعة هاد الطريق تصلاح حتى العجين ديال بيتزا وجميع العجين لي كيخمر

ممكن تديري العجين فميكة وديريها وسط الكوكوط تسديها بالصفارة وديرها فوسط بانيو فيه ما طايب، حتى هاد الطريقة كاتخليه يخمر بسرعة

أو تشعلي الفرن  حتى يسخن و تطفيه و تخليه يدفا شوية و ديري فيه الكرص أو البينيي ولا خبيزات معمرين ديال الفرن أو اي حاجة كطيب فالفرن كيساعدها باش تطلع دغيا و طيبيها




قد يعجبك ايضا
اترك تعليقا