لوقت لي تشهيت طويجين دالسردين ها هو موجود و على طول العام

انا ساكنة في مدينة بعيدة على البحر  وملي كنتشهى الحوت مكنلقاهش ديما كاين

ايوا فكرت مع راسي فطريقة نخبي فيها الحوت الكبير في الفريكو و نخبي السردين اللي مكيصبرش حتى هو

والطريقة ساهلة وبسيطة وتخليه يبقى لمدة لي تبغيها بلا ميضيع أو يتغير طعمه

كناخذ السردين بكمية كبيرة وكنقيه ونطحنه كفتة

ونزيد عليه العطرية والقزبر والمعدنوس والثومة والروز العادي ونخلط مزيان

وكنعمل كويرات في القياس نستفهم في بلاطو و كندخلو للفريكو

ومن بعد  ملي يجمدو كنجمعهم في بلاستيكات وكنرجعهم للفريكو تاني حتى لوقت نبغيهم

وقت اللي تشهيت طويجين السردين كنطيبو وها هو موجود على طول العام

كنزيد  الروز   العادي ماشي مسلوق وماشي الكلاصي انا تيعجبني نزيده مع الكفتة باش تجي شادة راسها الا طابت

وكتكون الكفتة شربت العطرية مزيان وتتيجي بنينة والله بشرط يكون السردين لي كونجوليتي جديد

وبصحتكم وراحتكم



قد يعجبك ايضا
اترك تعليقا