كنزي في تصفية جسمي من راسي لرجليا…دخلي نقولك كيفاش

هاد الوصفة رائعة و مذهلة ومغدية وهي صالحة للجسم والوجه والمنطقة الحساسة. ودورها الأساسي تفتيح لون المناطق الداكنة في البشرة .

بلا منزيد نطول عليكم.. كتاخدو صابونة عادية لمهم طبيعية بحال صابونة المنجل ، كنحكوها ونزيدو ليها نصف كأس عصير الحامض كنحركوهم فوق حمام مريم حتى يدوب الصابون مع العصير يولي بحال لكريم .

ونزولوه من فوق النار ونزيدو عليه قرعة مخلط فيها فول والحمص والحلبة مطحونين، هزيت منهم شي 2 معالق, وزدت معلقة زيت اللوز أوالبلدية إلى بغيتي, و زيدي روز مطحون حتى هو كيصفي لوجه صافي كنخلط الكل مزيان و آه ماشي فوق العافية ومن بعد كدريه فقريعة وملي كتبغي تغسلي كدهني الجسم ديالك كلو حتى لوجه.

جسمك كتخليه فوق الخليط حتى ربع ساعة ، وقد مخليتيه كان أحسن ومرة مرة ديري حركات دائرية. أما وجهك ملى دري ليه الخليط في ساع عمل حركات دائرية شي 10د وغسليه وبصراحة إلى بغيتو تبان ليكم النتيجة خاص يستعمل يوميا مدة شهر من بعد كتقلل. و غادي تبان النتيجة من الإستعمال الأول كيولي الجسم ديالك رطب بزاف بزاف أوفيه إشراق والريحة زوينة.




قد يعجبك ايضا
اترك تعليقا