كنت غير نكمل التجفاف نضل نشكي بضهري و رجلي وماشي شي نقاوة حتى لقيت هاذ الحل لي هناني

ها واحد السلام عليكم

كيف دايرين ألبنات

كيف دايرين مع الشقا ديال الدار؟؟

هالكم ياك؟؟

خصوصا التجفاف.

أنا بعدا مكنجفف هاديك الدار حتا كنولي كنشكي بضهري و رجلي و مرودي….. كلشي كيضرني صافي. خصوصا الشعر كيبقى لاصق ليا فالارض و كيخصني نحيد وحدة بوحدة

و لكن هاد الشي كان زمان منين كنت كنجفف بالجفاف لي كنشريه من الهري ب 10 دراهم

دبا تهنيت. و وليت كنجفف فرمشت عين . زد على دالك النقاوة و اللمعان و الاقتصاد فالمصروف

حيت هاد الجفاف ديما فالدار.

عرفتو شكون هوا؟؟؟؟؟

إنها الفوطة

نعم الفوطة

منين كتقدام عندي الفوطة شويا مكنبقاوش نمسحوا بها وجهنا كتولي المسكينة كتمسح الأرض.

ولكن كتهلا ليا فالأرض.

واش حتا نتوما كتجفو بها؟؟

إوا جفو بها و ردو عليا الخبار




قد يعجبك ايضا
اترك تعليقا