كنت ديما نعاني مع الكيكة وفران الضوء يا كتجي مدقسة أو محروقة أو طافسة حتى لقيت الحل لي هناني

السلام عليكم ..

فى الحقيقة دازت عليه واحد المدة مع الكيكة وفران ديال الضو

كان ديما مغسرهالي نافخهالي من جهة وطافصة من جهة

ومحشماني مع ضيوفي

يا تتحرق يا تتجى مدقسة وما طايباش وفى الاخير لقيت الحل وسنوات هذى وانا خدامة بيه ومرتاااااااااااااااااااااااااااااااااحة ..

اوا بلا منطول عليكم حبيباتي

ملى تتوجد الكيكة وطبعا الفران تيكون مسخن من قبل في درجة 180 ويكون شاعل من الفوق والتحت بجوووووووووووج ردى بالك ..

غادي تاخدى لالاطة ديال الفرن تقلبيها على وجها وتوضعيها فوق منها المول دالكيكة

ولكن مغطى من الفوق بورق الالومنيوم ضرووووووووووورى

مرة نعمل فية تقيبات مرة لا

في الحقيقة مالاحظتش شي فرق..وتخليها 45 دقيقة بالحساب انا تنعمل منبه

غير تدوز المدة على الفران وزولى ورق الاومنيوم وطلعيها الفوق تتحمر..

باش متبقاش مدة اكثر فى الفرن باش غير تتحمر تنزيد فى درجة حرارة الفرن

ونبقى حدااااااااها ماكملاش 5 دقائق ..

الا احترمت الطريقة ودرجة الحرارة والمدة ثقي بيا ماغيبقا مشكل مع الفران وتبرعي ليا بكيكة طايبة ومحمرة مزيااااان..
وبالصحة والراحة غير جربوها على ضمانتي




قد يعجبك ايضا
عرض التعليقات (1)