كليتو الكسكس وشاط الخير متلوحيهش ها شنو ديري ليه

عندي لكم فكرة هائلة باش ميضيعش لمجهود ديال الكسكس

وخصوصا إلى كانو عندك ضياف كتبقاي نهار وما طال ونتي فيه بش يجي هو هداك

المهم كالو الناس حتى شبعو وشاط لخير نتي مولاتو وماكين لياكلو فداك ليومين لجايين؟؟؟؟؟؟؟

وحرام نلوحو نعمة الله وماكين حتى لمن تصدقيه

اوا يا لحادقة شيده وهيدي منو بقايا الخضر لي فيه وجمعيه في بلاستيك وديريه فلفريكو!!!!!!!!!!!!

وخليه حتى لنهار لي تتشهايه وتلقايه موجود غدية تزيدي طيبي غي لحيمات أولى شوية ديال دجاج ولخضرة إلى بغيتها

اوا وكيف ندير ليه وهو ديجا مسكي؟؟؟؟؟؟؟

غدي تجبده بكريييي بش يديفروزة وتشدي الكاميلة وخليه يطبخ فيها غدي يبان لك بحال إلى كتوجدي في روز

و منين يطيب اللحم ولخضرة غدية تاخدي شوية من المرقة ديالهم وتزيدها على الكسكس وتخليه حتى يشرب

من بعد حطيه فطبق التقديم وقادي عليه الخضرة ولحم وها لكسكس ديالك واجد بحال يلا عاد درتيه

والله لعضيم حتى راني هو لي دايرة دابا وهادي هي طريقة بش مصيباه وجاي رجل لوستي يتغدى
وبصحتكم




قد يعجبك ايضا
اترك تعليقا