كعكة الطبقات بجنواز المقلة و الكريمة و الشكلاط

لاير كيك
المقادير والطريقة:
درت الجنواز فالمقلة،درت 5 بيضات و كاس د الحليب و كاس سنيدة كاس د زيت و كاكاو و خلطتهم فمولينيكس مزيان من بعد زدت جوج خمارات و 3 كيسان د طحين ،و قسمتهم عل 5،فمقلة دهنتها بزبدة و رشيتها بدقيق درت الجينواز لولة لمدة 10 دقايق و كنغطيها بطبسيل غارق باش طيب من لوجه خص يكون غارق باش مايقيسش الجنواز و السيرو درت فيه كاس سنيدة و جوج كيسان د لماء و معلقة د لقهوة و خليتها غلات 15 دقيقة.
من بعد خديت 400 غ د كريم شونتي ليكيد و 200 غرام د الشكلاط انا درت نيستلي و ايكبيل واعر جااا
خديت. 200 غرام اللولة درتها تغلي حتا طابت و زدت فيها دك شكلاط و حركتو تا داب كااامل و زدت 200 غ الاخري د لكريم باردا و حركت كلشي غطيتها بسولوفان نلامس للوجه د لكريم و درتخا فثلاجة تبات ليلة كاملة،نغطيو جنواز تاهي و نمشيوو نعسو.
لاغد ليه خديت دك الكريم من بعد ما بردات و طلعتها بالباطور و خديت كاس د لكريم شونتي طلعتو تاهو مع الكاكاو و خلطتهم مع الكريم الأولى باش تولي كثيرة.
خديت مول و درت الطبقة الأولى د جينواز و سقيتها و درت لكريم و زدت البراليني و فيوتين و درت الطبقة 2 سقيتها و نفس شي حنا كملنا الطبقات و درتها فالمجمد بردات شدات حنابها.
و من بعد خرجتها و درت الكريم عل الوجه و الجوانب و ملستهم مزيان و درتها تبرد تاني.

من بعد دوبت 100 غرام د شكلاط فحمام مريم و زدت 100غ د لكريم سائلة و خلطتهم و درتهم فبوشيط او كورني و درت دك الدميعات فالجوانب و لي بقا درتو الوسط و درتها تبات فثلاجة عاود و زينها فصباح






قد يعجبك ايضا
اترك تعليقا