كريم الكاريتي لترطيب الشعر و حتى الوجه…جربيه و احكمي بنفسك

صاوبي كريم الكارتي لترطيب الشعر

اليوما غادي نعطي لكم وصفة ممتازة جدا لترطيب الشعر

وهي عبارة على كريم غادي نصاوبوه على يدينا
كريم سهل جدا وومتاز جدا للشعر الباهت والمقصف وكدلك الشعر اللي مارطبش

على بركة مقادير الوصفة هي

زبدة الكاريتي ممكن تاخديها من محل السوبير ماركت
ولا من عند الافارقة انا صراحة ماكنتش عارفة انها كتباع عند الافارقة ولكن قالتها لي مراكشية وافتخر وفعلا قلبت عليها وخديتها منهم
وهي ريحتها اقصد الطرية مختلفة على المصنعة
المصنعة ريحتها رائعة لكن كاليتي ديالها ناقصة على الطرية اللي ريحتها مازويناش بزاف
على اي غادي نحتاجو

10 الى 15 درهم من زبدة الكاريتي المقدار المبين فالصورة
-2معالق زيت اللوز الحلو
-2معالق عسل

بالنسبة لطريقة التحضير

كندوبو زبدة الكاريتي فكسرونة
ممكن نستعملو اناء السيليوكون الى بغينا
وممكن نسخنو حتى فالميكروند اللي بغيتو مهم ماتسخنش بزاف وماشي حتى تدوب كاملة
نضيفو لها 2معالق صغار زيت اللوز الحلو وزوج معالق صغار عسل
نخدمو الخليط جيدا بالباتور يعني الضراب الكهرباشي مزيان مزيان باش نطلعو الكريم
حتى كتولي فحال هكدا

نحتافضو بيها فعلبة فالتلاجة لحين الاستعمال
كيتعمل الماسك على الشعر يكون مبلول شوية ونعملو الكريم فوقو ومن بعد نعملو فوطة مبلولة ومعصورة دافية وندوزو فوقها السيشوار باش يتبت الكريم على الشعر
ونخليوها مدة ساعة او اتنين

ملاحظة:ممكن استعمال الوصفة كقناع للوجه الجاف


* حقل مطلوب البريد الالكتروني لن يتم نشره في الموقع

شروط النشر:عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

ان كل ما يندرج ضمن تعليقات القرّاء لا يعبّر بأي شكل من الأشكال عن آراء اسرة يا لالتي، مجلة المرأة بعيون مغربية الالكترونية وهي تلزم بمضمونها كاتبها حصرياً.




قد يعجبك ايضا
اترك تعليقا