كتبغي خبز الدار والوقت ممساعدكش تعجني كل نهار بسباب الخدمة ؟؟دخلي نقولك الحل لي غيهنيك ويخلي ديما الخبز فدارك

الي كتبغي خبز الدار وماعندهاش الوقت تعجن كل نهار لحل

تخصص نهار كل 15 يوم تعجن الخبز الكافي لـ 15 يوم

تنخليه يخمر ونديرو فالفران يطيب بلا مايتحمر منين كنخرجو من الفران تيكون منفوخ لكن ابيض مزال ما تحمر

أي طايب نصف طيبة مع العلم مني نعجنو ما نكتروش لخميرة باش ما تفوح فيه رائحتها

من بعد كانديرو في خنيشات خاص بالخبز أو مني تشري لخبز فمرجان خبي دوك لميكات

وبقاي ديري فيهم هاد لخبز و تعمل بلاستيكة بيضاء كل خبزة بوحدها باش مايلصقش ثم في الكنجيلاتور

عند الاستعمال كنحميو الفران مزيان نخرجوا الخبز ونديروه في الفران نيشان وهو مازال جامد

حتى يتحمر (لمدة ربع الى نصف ساعة ) حسب الفران
تيجي فحال لعاد عجنتيه وطيبتيه

يلا زربانة حمريهم من قبل أي من المرحلة الأولى

وملي تبغي تسخنيه سخنيه فالمكروند ولفيه فزيف نقي بيض باش ما يجيش قاصح

نتمنى نكون فدتكم




قد يعجبك ايضا
اترك تعليقا