قصتي مع الصدفية و تجربتي الناجحة في القضاء عليها

السلام عليكم ورحمة الله وبركاته
قصتي مع مرض الصدفية كتبدا ملي بداو كيبانو لي بقع تثير الكثير من الحكة في جهة العنق واخا صغيرة وكتمشسي وكتجي من حين لآخر ولكنها مزعجة ومشيت للصيدلية عاوت لمشكل ديالي لواحد طبيبة صيدلانية وعطاتني الله يسمح ليها واحد بوماد فيه الكرتيزون وانا معرفاش غير جربتو والمفعول ديالو سحري وعجبني ومن تم حطيتو في الدار مكايخطانيش غير تكون فيا حبوبة صغيرة ولا شي حاجة نديرو تمشي وانا عاجبني لحال ومعرفاش مضار الكرتيزون ملي كدخل للجسم دازت مدة وجاتني الصدفية النقطية لي في لول عبارة عن نقط ومن بعد كديييع بسرعة خيالية وكتلتاصق مع بعضها مشكلة صفائح كبيرة مشيت عند أخصائية جلدية معروفة وشخصات الحالة أنها صدفية وعطاتني ثاني بوماد فيه كرتيزون مشات في بعض البلايص والبعض لا حيت تقريبا كانت منتشرة في 80/100 من الجسم ورجعت عندها وعطاتني واحد جيل غالي كيدير 600 درهم وقبل مناخدو قريت على مضار الكرتيزون وحلفت ما ناخدش مزال شي بومادا في الفرمسيان فيه هاد السم
ومشيت للطب البديل درت حجامة ولله الحمد وصاوب ليا واحد السيد كيدير الطب البديل شي خلطات منها الداخلية والخارجية لي كندهن بيها تحسنت شوية ومشاو القشور

لي كانت كتغطي الصدفيات ومبقيتش كنحكها ولله الحمد ولكن الصدفية مزالا والحمورية باقا
ومن بعد قريت على خل التفاح الطبيعي للصدفية حيت كان عطاه ليا داك السيد ولكن للشرب وكنت كنشرب فيه مخفف بالماء ومن بعد قطعتو ووليت كنستعملو استعمال خارجي
واحد الطريقة مؤلمة وخاص لي غادي يديرها يقصح قلبو كيما درت ونفعاتني الحمد لله
كنت كنحك أماكن الإصابة بشي حاجة خشنة مبللة بخل التفاح حتا كيخرج منها الدم كنعاود ندهنها بخل التفاح وكنخليها من بعد كتبان ليا كيخرج منها شي ماء وكنت كنخليها حتا كتكرم شي 3 أو 4 أيام وتقشر ومن بعد نعاود العملية وكتبدا تبان ليا نقص منها الدم كل مرة حتا كتموت كاينة لي دغيا مشات وكاينة لي ثقيلة شوية وكاينة لي خلات الكحولية في بلاصتها وكاينة لي مخلات حتا أثر ولله الحمد المهم أن هاد الطريقة نفعاتني ولله الحمد والشكر واخا باقي أثر بعض الصدفيا ولكن مع المدة كيمشي ويوما بعد يوم كينقص السواد ديالو ودبا ناوية ندير وصفة الوديعة والحامض لإزالة أثر الحبوب وإن شاء الله تنفع كيما نفعني خل التفاح في القضاء عليها
والأطباء كيقولو هاد المرض مليهش دوا ولكن الله كبير وما من داء إلا وله دواء علمه من علمه وجهله من جهله
وعذرا على الإطالة

 

قد يعجبك ايضا
اترك تعليقا