فطيرة السردين محشوة بالشعرية الزيتون والشومبينيون

لا ما يمكنش خاصكم تجربو هاد الفطيرة بالسردين, أنا درت ليها واحد الطريقة كتجي بحال المذاق ديال بسطيلة د لحوت
المكونات:
2 كيلو سردين منقي
شعرية صينية
زيتون
توابل
شومبينيون
حامض مصير
زعتر
صلصة الصوجا
زيتون اخضر مقطع
هريسة
الطريقة:
خذيت الشعرية صينية ديال الروز من الأحسن صلقتها قطعتها شوية درتها ف مقلة مع زيت زيتون زردت عليها ليقامة ديال الحوت ( ابزار، تحميرة، كامون، ملح، تومة و سودانية قزبور و معدنوس) شومبينيو مقطع رقيق و زيتون خضر مقطع حتا هوا، و حامض مصير مقطع رقييق و شوية زعتر و صلصة الصوجا شوية و شوية د لهريسة .. خليهم اتشحرو شوية.
السردين قداتني 2 كيلو فرشت لتحت و رشيت الملح و الزعتر و زيت الزيتون و درت الشعرية الصينية كلها و رجعت فوقها السردين و زدت لي بقا ليا و رشيت لي عاود فوقو زعتر و الملح و زيت و دخلتو الفران سخووون.




انشري هذا المقال