عندك هاد القريعات ديال البخاخ؟؟ دخلي تشوفي لاش ممكن تستعمليهم….أفكار خطييييرة

 

الا عندك بحال هاد البخاخ لاش كتستعمليه انا كندير واحد فيه جافيل آتشي وشوية الماءو الاخر فيه سانيكروا بخة وحدة مكان الوسخ وتدويزة بمنديل وها كلشي نقي وريحة زوينة

واحدة دايره فيها جافيل مع ديتول و الماء كنمسح بيها كلشي

واحدة دايراها للزيت و كنرش المقلة الى باغه نحمر شي حاجة او نرش الطاوة دالحلوة
واحدة دايرة فيها الماء مع شويه الريحة كنرش بيها الحوايج الى كنصلحهم

اقتراح أخر كديرو فيها الروح ديال سانيكروا كيتباع عند لي كيبيعو مواد التنظيف وكترشي الزربية وتشطبيها بالشيتة الحرشة وتحلي الشراجم باش تنشف الزربية وكتجي بحال الا صبنتيها والريحة دسانيكروا كتبق مدة طويلة فالبيت

كندير فيها ماء الورد و نخليها فالثلاجة و من بعد الماسك ديال الوجه كنرش منها و بعض المرات فاش كنكون كندير الشقا ديال الدار و كنتصهد كنرش منها على وجهي و نكمل الشقا بلا منمسح وجهي و الله إلى كنحس بانتعاش و حيوية .

كنرش بيها الوريدات ديالي وحدة أخرى شريتها اصلا فيها معطر الأثاث والزرابي ديال السعودية
اسمها عود معطر الخليج وريحته غزالة مكاينش الي شمها ومعجباتوش 

 

كندير فيها منقوع الزعتر او كنرش بيه شعري في الصباح او كنبدا نشقا
او كندير فيه الزيت باش نرش بيه المسمن
او كندير فيه سنيكروا باش رش بيه الزربية او نشطب الشية الحرشة او نحل الشرجم باش تنشف
هادشي لي كندير في هاد القريعات

دايرة فيها واحد الخلطة قريتها فواحد المنتدى خطيرة
بيكربونات دو سود+جافيل+خل+صابون المواعن صراحة صدماتني كنرشها على البوطة و الحايط لي حداها ماكنجي فين نغسل المواعن حتى كنلقى الدجون دابت لا حكان لا صداع راس
عندي وحدة خاصة المانط ملي تيكون جاي شي ضيف
تنفرشوا ليه ونفرشوا ونرشوا بيها ونرش المانطا من الفوق
أو الكوويط تيخلي الريحة زوينة
تنستعمل هاته الخلطة تخلطي المسك مع أي ريحة عندك وتخليه في قريعة ماشي هي
وحدة أخرى
لحين ما تريديه وصفيه في دريرة حياتي وصبيه فيها وبداي تستعمليه

عندي وحدين جداد وحدة دايرة فيها الخل والزيت كنمسح بيها العود الفيترينا والمكتب وووو للعود فقط وحدة فيها الزيت للمسمن وحدة فيها الماء وريحة العود كنرشها على فوطة وندوز ها على الدار من بعد التجفاف كتبقى الدار فيها ريحة زوينة وحدة فيها الماء كنرشها على شجرة الضل عندي في الصالة هههههههههه عرفتوالبلاكار تحت لافابو عامر قراعي عندي حانوت



قد يعجبك ايضا
اترك تعليقا