عندك أرداف ممتلئة دخلي نقولك كيفاش تهنيت منهم ورجعالتي ثيقتي فنفسي أكثر

السلام عليكم البنات كيف راكم لباس؟؟

انا اليوم جيت نشارك معاكم تجريبتي فالتخسيس وخصوصا منطقة الأرداف لي صعيييييب باش تنقص ليك ماشب بحال الكرش ممكن دغيا تزول أما الأرداف خاصها خدمة وخدمة كبيرة.

المهم انا كان عدني مشكل التصاق فالفخضين ومين كنلبس السراول كايردني كيف الدبة وتعقدت شي أيام وليت عاطياها غير الكساوي وجلالب حتى وليت كنبان بحال شي مرة كبيرة والدة ومعاودة ههه وقررت نقول لا ونوقف هادشي حيت انا مزالة فالعيشرينات وخاصني نبان فالسن ديالي.

وقررت مانبقاش معكازة ودرت واحد الهدف خاصني نحققو قدام عيني وهادي أول خطوة باش نحقو لي بغينا

المهم مين كنفيق الصباح كنشرب كاس ماء دافئ مع الليمون وممكن تزيدي شوية قرفة وكامون وسكينجبير حتى هادو كنت كنشربهم وعندهم نتيجة خيال.

اوا وكنلبس سبرديلتي وكنطلع فالدروج ونهود 10 مرات اياه الالة طلوع دروج عندو فوائد رهيبة وكيخدم الساقين والأرداف وكيجمع اللحم مكيخليش داكشي مرخرخ.

المهم مين كنكمل 10 كنهبط لدار كندير 10 ديال من كل حركة ، أول حرجة كنبدا بيها هي البيدار القدام ، كنعس على ظهري وندير بيدال قدام وبيدال لور ومن بعد كندير عاود حركة “صعود الجبل” montain clumber ديريها فكوكل غايعطيوك شنو هي  وديري منها عاود

ونودي ديري تمرين الفراشة بحالة هذا لي فالصورة لي غيخليك فخادك يتحلو شوية بشوية ونودي على سلامتك ههه

 

صورة عنوانها Get a Thigh Gap Step 11

شربي الماء وارتاحي شوية ووجدي فطورك وبالصحة والراحة.

اوا شكون بحالك غير فدارك ماتخرجي وماضيعي فلوس وغاتعطيك نتيجة زويييينة

تيقوني والله يلا تبعتو هاذ الطريقة ولو شهر واحد غاتبان ليك النتيجة وضوح الشمس في نهار جميل واخا هاذ الأيام شتاوات والثلوجات الله يعطيها لينا على قد النفع.

جربوها ودعيو معايا ربي يسهل عليا

 




قد يعجبك ايضا
اترك تعليقا