طريقتي الصحية في تصبير الخرشوف تجعلك تأكلينه طوال السنة و بمذاق طبيعي

السلام عليكم حبيباتي
.اليوم قلت نفيد محبات الخرشوف ولي تيبغيواه على دور العام وهدي هي طريقتي وكتخلي الخرشوف كيحمق . نبداو ان شاء الله .المرحلة الاولى نقيو الخرشوف عادي كيفما ديما ونغسلوه مزيان من الاوساخ ونديروه في طنجرة الظغط مع الملح ونصف حامظة والما ما يكونش قليل يعني يكون كتر من الخرشوف ..المرحلة التانية نجيبو لقراعي نتاع الزاج هدوك ديال الشكلاط او الكونفتير ومن الاحسن لكبار ونغسلوهوم مزيان ونشفهوم من الماء بشي خرقة نقية .المرحلة الثالثة وهي تعقيم لقراعي . غدي نجيبو لقراعي وندوزوهوم على البخار ديال الصفارة وهي مزولة وندوزا حتى الغلاقات ونحطو القراعي على منديل نقي وساعتك عاد نعمرو لقراعي بالخرشوف ونظيفو عله الما لي طاب فيه .المرحلة الرابعة و نقلبو لقراعي على فمهوم حتى نتخلصو من الهواء لي داخل القرعة والا بغيتوا تزيدو تعقموهوم مزيان ديروا شوية ديال الماء فالكوكوط ودير القراعي على فمهوم يعني لغلاقات لتحت وخاليوهوم شي 15 د وعد طفيو النار وعاد دخلوهوم للثلاجة وهما باردين .. وبهاد الطريقة غدي يكون عندك الخرشوف وخا يكون داز وقتو من السوق وكيبقا بحلا عاد جبتيه من السوق …. ولكم مني اعطرالتحايا

mounia maaroufi



قد يعجبك ايضا
اترك تعليقا