طريقتي الراقية في تقديم سلو لي عجبات ضيافي و كولشي بقا يسول عليها

السلام عليكن انيقاتي

بغيت نتشارك معكم طريقتي الخاصة لتزيين ســلو هادالطريقة عملية وراقية كتهنيك من الطبسيل دسلو اما مقبب او مفتت وكثرت الملاعق خصوصا فالمناسبات بحال السبوع يجي فالسليلة ديال الدغاجي راقي وخارج عن المؤلوف انا درتو فالسبوع ديال ولدي كلشي حمقاتو الفكرة وشفت بزاف ديال الحادكات قبطينو فيديهم وكيهدرو عليه ههههه. وهاد الايام جاو عندي شي ضياف قالولي دابا ورينا كيدرتيلو ومشيت جبت العدة ووريتهم ههههه وانا نتفكركم قلت نوريهالكم ممكن حتا انتم تعجبكم او تفيد شي انيقة عندها السبوع. المهم قبلو عليا وصافي نخليكم مع الصور والطريقة :

غنحتاجو سـلو مفيه حتى تغيير وكلشي كيعرفه غي هو مخصوش يكون ناشف خصو يكون كيتجمع فاليد انا كنكثر العسل وغنحتاجو أي طابع دالحلوى على حسب الشهوة والتزيين عل حسب الدوق اما لوز مقلي او عقيق فضي او دهبي وكدلك اما ميكة غدائية او كويغطات ديال الحلوى
يلاكنا غنديروه فلكويغطاتكنديرو الكويرة كبيرة ونطبعوها بالطابع ونزينوها ونزلوها انا كنفضل نديرها فميكة باش كتبقى محافضةومكتكسرش وكندير كويرة صغيرة وكنبسطها فقلب الطابع باش كتاخد شكله وعاد كنغلفها

وبالصحة والراحة كنتمنى هاد الفكرة تكون عجبتكم وتفيدكم ،، استودعكم الله الدي لا تضيع ودائعه

587adgihcboh3897jytl fwwrt22c169xx06fou7w ptrd5wh3yizb4k0zwgj9 mhvi0uo4ssuslwogjxs yf0i6tp1lmhdi0bngf4 rxr9f7q8wbji9ofejym7 jinm5o2v5ai4y71w40fp
أم سامي
أناقة مغربية
إقرأ أيضا  فكرة مذهلة لتقديم الديسير...ستعجب ضيوفك

انشري هذا المقال