تصبير الفلفلة المشوية بدون زيت في علب معقمة

طريقة سهلة وتقليدية لتصبير الفلفلة أكثر من عام كتبقى طرية ومذاق رائع صالحة لجميع الإستعمالات

الطريقة زوينة و تاهي تاتصبر مدة طويييلة حتى لعام و عامين، وخا دوز عليها حتى 7 شهور، فاش تحلوها باش تستعملوها ، والله العضيم الا دايرة بحالا يالاه شاويينها ، و عديدة الاستعمالات، ديروها ف شلاضة ديال مطيشة و فلفلة مشوية ولا بيتزا المهم نتوما تعرفو

الطريقة: تاتشويو فلفل اللي غاتكون عندكم كتيرة فوق البوطة ماشي الفران، و تنقيوها مزيان من ديك القشرة ديالها و الزريعة كيما باين ليكم فالصورة، و فاش تكملو ديروها فالقراعي بوحدها بلا ما بلا والو بوووووحدها راه هي من بعد تطلق الماء ديالها معسل، ونعمر القراعي مزيان بالفلفلة بوحدها بلا ماء بلا والو، و نسد القراعي مزيان، نتأكد من الغلاقة مسدودة مزيان و متادورش فالخوا، و من بعد ندوزو للتعقيم نعمر واحد الكميلة بالماء من الروبيني و نخشي فيه هادوك القراعي كيما فالصورة، وخا يغطسو ماشي مشكل مايوقع ليهم والو ، و ديرهم فوق البوطة يطبخو فهاداك الماء واحد 20 دقيقة. و نحيدهم و نطرفهم فشي بلاصة فالبلاكار و لا فشي قنيت عندكم فالدار، و فين ماحليت شي وحدة باش نستعملها وشاط منها فالقرعة نديرها فالتلاجة، اوا نتمنى نتعجبكم، هي راه فيها الخدمة ولكن من بعج تاتولي تصيبيها موجودة، تتحلي غير القرعة و تستعمليها منقية مشوية شهوة منها، والله العضيم الا يالاه حليت قرعة كنت صاوبتها العام لي فات باش نستعملها ف شلاضة زوينة بحالا ياله شاوياها، اوا نتمنى نكون فدتكم بشي حاجة، و لكن التعقيم ثم التعقيم ثم التعقيم لي هو فاش تاترجعو القراعي يطبخو فالماء 20 دقيقة