طريقة تحضير الخميرة البلدية في المنزل

نقدم لك سيدتي طريقة لتحضير الخميرة البلدية في المنزل من عند لالة كريمة

ناخذو نصف لتر لبن بلدي (ماشي ديال البكية)ونخليوه خارج الثلاجة حتى يحماض تقريبا يومين ثم نديروه في قرعة ديال الكونفيتير كبيرة و نزيدو عليه جوج كيسان ديال دقيق القمح بالنخالة ديالو و نسدو القرعة و نحركو مزيان حتى تنسجم العناصر ونخليوه حتى للغذ يعني حتى يخمر و يطلع منين نبغيو نعجنو نديرو اكثر من نصف الخليط مع العجينة دون اضافة الخميرة اللي كتباع ونعجنو عادي ونخليو العجينة ترتاح و تخمر ثم نكرصوها ونخليوها تخمر مرة اخرى ثم نطيبوها في الدار
او نرسلوها للفران ديال الزنقة
بالنسبة للخميرة بلدية اللي بقات لينا في القرعة غدي نزيدو عليها دقيق القمح و الماء و نخلطو و نخليوها تخمر خارج الثلاجة من الصباح حتى للعشية ثم نديروها في الثلاجة وهكدا نبقاو ديما نكررو نفس العملية كلما عجننا ناخدو اكثر من نصف الخميرة واللي بقات نزيدو عليها الدقيق و الماء و نخمروها ثم نديروها في الثلاجة و بهذه الطريقة ماعمر الخميرة ما تسالي لينا و الخبز ديالها كيجي خامر مزيان و بنين وصحي

من شهيوات الحاجة كريمة

 

إقرأ أيضا  شاهدوا كيف علقت بسمة بوسيل على خسارة المنتخب الوطني أمام مصر؟ وكيف كان رد فعل تامر حسني؟

انشري هذا المقال