شوفو الوصفة الصحراوية ديال الخل البلدي بالاعشاب لتحضير الكرداس والقديد بمناسبة عيد الاضحى

الغزالات عيد الاضحى قرب واكيد بديتو فالاستعدادات الله يدخلو علينا بالصحة والبركة،جبتلكم هاد الوصفة ديال الخل البلدي بالاعشاب كايتصايب 10 ايام قبل العيد ،وكانستعملوه فالقديد والكرداس وممكن حتا فالقطبان.

المقادير:

العنبر،الورد،الحناء ورق،السنبل،الريحان،سرغينة،خدنجال،القرنفل،القرفة عواد،الفرتكة،الزعتر،الكوزة،الملحة الحية،السواك،الخرقوم اعواد،سكينجبير،لحية  الشيخ،ورقة موسى،5تمرات،حامضة ،فلفل حار ،ماء دافئ.

الطريقة:

نقي الاعشاب وعمليها فاناء كبير،ضيفي ليها التمر والحامضة مقطعة على 4،والماء انا استعملت تقريبا 6لتر،غلقي على الخليط ووضعيه فمكان دافئ وماتفتحيهش حتا لنهار العيد،صفيه واستعملي الماء فقط.

ملاحظة:

من الاحسن توضعوه فقرعة ديال الزاج او الفخار احسن من البلاستيك،وبالنسبة للمراة الحامل كانصحها تبتعد عن جميع انواع الاعشاب،صاوبوه واكيد غادي يعجبكم ومغاديش يبقى يخطاكم.