شعرك طبيعي أو مصبوغ ومطرطق ليك الشيب بزاف وخصوصا فالمقدمة ؟؟ غير تهناي ديري هاذ الوصفة ومستحيل تبقى شعرة وحدة بيضاء..وغتحصلي على لون قهوي كيحمق

سلام حبيباتي

انا عارفة أن مشكل ديال الشيب كلشي كيعاني منو صغير ولا كبير



وكيسبب إحراج كبير خصوصا يلا كانت البنت مازالة ممزوجة ويبان داك شيب صافي غادي تعقد

وحتى المرأة كتبغي تبان ديما صغيرة وشباب قدام راجلها

كاين لي مكيبغيش يدير الصباغة حيت غير كتغطيه مكتحيدوش وكتزيد تطرطقو

داكشي لاش خاصنا نتاجهو ديما للوصفات الطبيعية ولي كتحفز بصيلات الشعر ينتجو مادة الميلانين لي مسؤولة على لون الشعر

وهادشي لي كانو يديروها جداتنا لي سبحان الله مزال شعرهم مسبسب حرير وعندهم شيب غير قليل جيهت النواضر والله يلا جداتي صدماتني

منين شفت شعرها مزال كحل والشيب فيه قليييل جيهة ديال نواضرها

ندوزو الوصفة عارفة راسي طولت ههه

غادي نحتاجو في هاذ الوصفة :

3 ملاعق من الحناء (الكمية تختلف على حسب طول وكثافة شعرك)

ماء الباربة رقدي فيهم قطع صغيرة من السواك والخروب

أتاي أو الشاي مطبوخ ومشحر مزيان

ندوزو لطريقة التحضير والتطبيق :

 

ديري الحناء فشي وعاء وزيدي عليها 2 ملاعق كبيرة ديال الماء الباربة (المرقدة مع السواك والخروب) و2 ملاعق كبيرة من الشاي المطبوخ وخلطيهم مزيان وغطي الخليط وخليهم يطلقو فبعضياتهم شي ساعة  ومن بعد ديري الوصفة لشعرك كامل مع التركيز على بلايص لي فيها الشيب وغطي شعرك بشي بلاستيكة وخليه مدة ديال ساعتين  أو 3 المدة لي بغيتي باش يديرو مفعول مزيان على شعرك.

من بعد ديك المدة غسلي شعرك وغادي تشوفي كيف شيب مبقاش وتصبغ ومع المداومة مغاديش يبقى ينوض ليك أكيد راك ماشي غير كتصبغي راك كتغذي شعرك وكتحفزي البصيلات ينتجو مادة الميلانين .

غادي تعطيكم لون قهوي غزااال

نتمنى تجربوها وتردو عليا




قد يعجبك ايضا
اترك تعليقا