شريتي كرة كبيرة دلفرماج حمر و خفتيها تخسرلك..دخلي نقولك الحل

حنا فالدار كنحماقو على الفرماج الحمر و بالخصوص انا
مع البيتزا و الكراطان و البريوات كيجي كيهبل اممممممممممممممممممم

المهم كنا مين كنشريو كرة كبيرة دلفرماج حمر كناخدو لي بغينا و نخبعوها كاملا ف ميكة ف الكونجيلاطور
كيبقا مزيان و لكن كل مرة بغينا منو خاصنا نجبدوه و ناخدو طريف و نعاودو نرجعوه
و هاد القضيا كتخليه يغير المداق شويا

ايوا مؤخرا درنا واحد الحل
مين كنشريو الكرة الحمرا
كنقسموها كاملا طريفات بالغشا الحمرا ديالهم على قد لي غادي يتكال و ميخسرش
و نلويو كل واحد ف بابي المنيوم مزياااااااااااان
و نخليو الطريف جهد ما نحتاجو ف التلاجة
و الطريفات لوخرين كنديروهم ف الكونجيلاتور



و كل ما حتاجينا طريف كنجبدوه
و كيبقا الفرماج طري و مداقو مكيتغيرش

كنتمنى تعجبكم الفكرة
و شي دعيوات الله يحفظكم

انشري هذا المقال