دخلي دخلي بالزربة وصفات بالمجان أكيد غتفيدك

السلام عليكم ورحمة الله حبيباتي فينما كنتو سواء داخل المغرب او خارجه

كلنا كنعرفو الرنج او الزنبوع هو هاداك الليمون اللي مر وكيكون فالشجر المزورع فالشوارع انا دايرة شجرة قدام داري المهم بغيت نقول ليكم كيفاش كنستغل هاد الرنج فوصفات مفيدة وغير مكلفة وعن تجربة



الوصفة الاولى هي لمرضى الحلاقم كناخد عصير نص ليمونة وكنديرو في فنجان قهوة نسكافي سخون وكتغرغري بيه عدة مرات تكرر فالصباح والليل مدة تلات ايام راه مزياااان للحلاقم دقة ببطلة

الوصفة الثانية هي الدجاج انا مكنحملش نغسل الدجاج بالخل كنفضل الحامض بعض المرات مكيكونش عندي الحامض كندير الرنج راه وخا مر مكيخليش المرورة فالدجاج وكيغسلو مزياااان ومنين كتسالي الغسيل ديالو كترشيه بشوية سكين جبير وتخليه شوية عاد شليه مرة تانية وخليه يستقطر مزيان حتى ينشف عاد خزنيه فالمجمد او حطيه فالتلاجة الى كنتي غادة تستعمليه قريب

الوصفة الثالثة كيصلاح هاد الرنج للبرودة كتاخدي جوج ليمونات كديريهم يطبخو صاينين في الما ومننين يغلى الما مزيان كتاخديهم وتقسميهم على زوج وكديريهم على ركبتك وهوما سخان ولكن القياس اللي تستحمليه فالسخونة ودوري عليهم شي بانضة ورجليك فالما سخون فيه شوية الزعتر والدفلة ومين تحسي برجليك سخنو كتمسحيهم مزيان ودلكيهم بشوية زيت العود مدوبة فيه الكافور البلدي ولبسي مزياااان ودخلي الفراش مكيدوز وقت بزااف حتى كيهدا حريق الرجلين

الوصفة الرابعة منين تقلي الحوت فالدار خودي ليك كسرونة وقطعي فيها حبة او زوج من الرنج وخليه يطبخ ريحتو كتغلب على ريحت القليان ومتنسايش منين تكوني كتقلي الحوت رمي شي فص التومة فالزيت حتى هو كيساعد متنتاشرش الريحة
نتمنى هاد الوصفات يعجبوكم




قد يعجبك ايضا
اترك تعليقا