![دجاج مشوي في الفرن بتتبيلة الياغورت والحامض](https://yalalla.com/wp-content/uploads/2018/02/jhdfd.jpg)
دجاج مشوي في الفرن بتتبيلة الياغورت والحامض
المكونات:
ديك أو فرخه 2 كيلو (8 قطع أو 4)
2 بصله متوسطه مفرومه
قرن فلفل رومي مفروم
قرن فلفل حامى مفروم
1 علبة زبادى دانون
2 ملعقة طعام كاتشب
1 ملعقة طعام ماسترده
1 ملعقة طعام زيت ذره
عصير 2 ليمونه
ملح حسب رغبنك
نصف ملعقة شاى فلفل إسود مطحون
ملعقة شاى زعتر
ملعقة شاى بهارات فراخ
إخلطى كل المكونات اللى فوق دى مع بعض كويس جدا.
الطريقه:
طبعا الفراخ مغسوله كويس جدا ومتصفيه من الميه هاتى السكينه وشققى قطع الفراخ شق واحد فى كل قطعه عشان اللحم يتتبل كويس وتبلى الفراخ وتحت الجلد وماتنسيش تحطى جزء من التتبيله فى قاع الصينيه ورصى الفراخ المتبله فى الصينيه وغطيها بالفويل ودخليها الفرن المسخنه من قبل على درجة حراره 250 ولمدة ساعه وبعد كده شيلى الفويل عشان الفراخ تاخد لون وألف هنا وشفا.
قدميها مع أرز أبيض وشيبسى بيتى جميل بدون مواد حافظه وطبق سلطه جميل.
ملحوظه:
لو هتستخدمى فراخ بيضه هتاخد وقت أقل لكن أنا عملت الفراخ الحمره اللى الفرارجى بيسميها بلدى