خلطة غزلان مكوار السحرية لمنع تساقط الشعر مجربة وفعالة من صباحيات 2m

اخواتي الغاليات جيت نشارككوم بتجربتي للخلطة الجميلة ديال غزلان مكوار وصفة علاج تساقط الشعر لي قدمات فصباحيات دوزيم ، هاد الخلطة جربتها 6 مرات ومزال عندي غنبقا مداومة عليها ان شاء الله حيت ماشي غير كتمنع التساقط لكن عندها مزايا كثيرة وربي على ماأقول شهيد.

المكونات

الثومة+البصلة حمرا + السانوج + الزعتر + سكنجبير طري ( انا مكانش عندي درتو غبرة ) + اليزير والخزامى + زيت الزيتون ( إكسترا ڤييغج) + وزيت الخروع.

مولات الوصفة قالت نديرو حفنة من كل حاجة وملعقة كبيرة من السانوج لكن انا درت ملعقة كبيرة غير باش نجرب وناوية نعاودها ان شاء الله ديما.

لي بغات تستعمل هاد الوصفة فنفس اليوم غتخلط المقادير وديرهوم فحمام مائي ولي مازرباناش بهم تخلطهوم فقرعة وتخزنها فمكان مظلم مدة عشرين يوم.

انا درتها فحمام مائي وكل مرة كنبغي نستعملها كنحرك القرعة مزيان ونصفي الزيت لي يقدني فشعري ونشق به شعري مزيآن الفروة والزغبة وكنخليها 4 ساعات وكنغسل شعري عادي.

ولات الزغبة عندي غليضة تبارك الله ، واللمعان من اول استعمال، ومابقاش شعري مشووك ،ومانعاودش ليكوم على الرطوبية لي فيه غير سايح وخاص لي يجمعو هههه.

ملاحظة مهمة :

متخافوش من ريحة التومة والبسلة مكتبقاش في الشعر نهائيا كتبقي ريحة الخزامى واليزير لكن في اليوم الموالي مكتبقا حتي ريحة.




قد يعجبك ايضا
اترك تعليقا