خديجة الصادقي تتفقد سيارة زوجها الراحل لأول مرة بعد وفاته

في تدوينة نشرتها التيكتوكر خديجة الصادقي نشرتها على سطوري حسابها أنستغرام تقاسمت مع متابعيها صورة سيارة زوجها الراحل هشام بعد وفاته وكانت المرة الأولى .معلقة على الصورة :”طوموبيلة هشام الله يرحمو شحال ضرني قلبي أول مرة نفتحها موراه”.
جدير بالذكر أن خديجة الصادقي كانت قد أعلنت في منشور سابق عن انتهاء مدة العدة الخاصة بها و علقت على الخبر بتدوينة:
“اليوم ساليت العدة.. 4شهور 10أيام من فقدان توأم روحي قلبي سندي فالحياة هشومي…باقي حي فقلبي فدعائي الله يرحمو ويجعل مئواه الجنة بلا حساب ولا عذاب اللهم اجبر كسري وارزقني اللقاء بيه فالفردوس الأعلى. هد الشهور كنكافح بصمتي وبدموعي بنوبات الألم والفقد اللي كتحاصرني ولكن كنبرد قلبي بالدعاء، وبالذكريات الزوينة، وبالناس اللي بقاو معايا.كانبقا نردد كل دقيقه “قدر الله وما شاء فعل هدي هيا سنة الحياة كلنا ليها”…الحمد لله ربي ما حرمنيش من السند من الحضن اللي كيحس بيا بلا كلام… شكراً لواليديا او خوتي ضلي صبري طاقتي كل ماعندي فالدنيا تحملوني بكل ما فيا لولاهم يمكن كنت نطيح وما نعرفش نوقف حضن الأم وكلمة الأب فهذ الوقت بحال دواء كيهدّي الروح.…شكراً لمؤنساتي أخواتي فالله المتابعات الغاليات على الكلام الطيب الدعاء الصادق والرسائل اللي كتخفف وتواسي يمكن ما كتعرفوش شحال كاتكونو سبب فدموع كتنزل من دعاء صادق أو مساج كيقول “الله يصبّرك” “راك فبالنا” “دعينا معاك”
ربي يربط على قلبي بالصبر كانحس بحال الى مسافر لشي بلاصة بعيدة وصافي… رجاي الكبير من الله: ربي يجمعني بيه فالجنة ويصبرني حتى نلقاه”.