خبيزات معمرين بحشوة رااائعة وبدون بيض كيجيو لذاذ متشبعيش منهم

نخليكم مع المقادير و الطريقة

المقادير :

كيلو الطحين
نص كاس الزيت
ملحة
3 معلق السكر
معجونة
خميرة دالكاطو

طريقة التحضير :

عجني بالحليب دافي
دلكي مزيان وخليها تخمر،

خبيزات معمرين بدون بيض1
من بعد كوري كويرات صغار بزاف

خبيزات معمرين بدون بيض2

و خليهم يرتاحو شوية،

من بعد دلكي وحدة كل ماكنت رقيقة احسن

خبيزات معمرين بدون بيض3
هاد الخبيزات راهم روعة فالمنضر و المداق!الله يجازي مولاتهم الف خير

بالنسبة لمقادير و طريقة للحشوة تقدري تعمريهم باش ما بغيتي انا عمرتهم بـ

المقادير:

فلفلة حمرا
فلفلة خضرا
فلفلة صفرا
بصلة
بصلة طويلة
كفتة
شعرية صينية
تبزيرة او لحرور
فرماج مبشور

الطريقة :

غادي تشحري الكفتة بوحدها باش تحل
من بعد شحرى المقادير للفوق ماعدا الفرماج مع شوية دزبدة
منبعد خلطي كلشى مع شعرية و شحريهم

هادو تصاور كيفاش كتحشي العجين

خبيزات معمرين بدون بيض4
لكن مع الاسف لعبولي دراري بتلفون و مسحهوم بقاو غي هادو

خبيزات معمرين بدون بيض5

اما بالنسبة لدوك لخبيزات لعلي شكل دودة

خبيزات معمرين بدون بيض

تاهما تعمريهم باشما بغيتي تصاور كيفاش لويتهم تمسحولي تاهما
غادي نحط لكم تصاور ديال واحد الاخت لتعلمتهم منها الله يجازيها بخير

خبيزات معمرين بدون بيض6

او دهنيهم بالبيض مين تبغي طيبهم أو فقط الحليب.

خبيزات معمرين بدون بيض

خبيزات معمرين بدون بيض7




قد يعجبك ايضا
اترك تعليقا