خاص بعاشوراء : طريقة تحضير كسكس ملكي من عند الشاف زينة سلوان

نقترح عليك يا لالة في هذا المقال طريقة تحضير كسكس عاشوراء الرائع خطوة بخطوة.
*طريقة تحضير الكرعة : ناخذو 1كيلو و 500 غ من الكرعة الحمراء مقطعة طريفات صغار و الماء الكافي و اللي غادي نطيبوها فيه
فاش تطيب نعبروا منها 600 g

ناخذو 600 غ من “purée” الكرعة و نطحنوها مع 24 غ البكتين و 60 غ سنيدة ونطحنو الكل جيدا ، ونعبرو 180 كليكوز و 600 غ من سنيدة .

نضع خليط الكرعة في كاسرونة مع خليط الخليط الكليكوز و نحطو الكل فوق النار حتى يوصل 104 درجة خارج النار و نزيدوا 12 غ سنيدة حامضة مخلطة مع 2 معالق ماء بارد ونحركو مزيان ونخوي في مولات أو مول مربع و نقطعها مربعات .

* طريقة تحضير التفاية : 2 كلغ بصلة بيضاء ، مع ك سكينجبير ، مع قرفة ، كأس من الزيت البلدية ، الزعفران ، الملح ، شوية الزهر ، شوية الزبدة ونحركو مزيان و نخليها تطيب وفي الأخير نزيدو السكر و الزبيب ونخليوهم يتعسلو .

* تحضير الخضر : ناخذو الخضر المفضلة للكسكس : خيزو ، الفول ، اللفت ، الكرعة الخضراء ونقطعوهم مربعات و نضيفو ليهم الملح و الابزار و سكينجبير .

* طريقة تحضير الدجاج : 2 دجاجات مغسولين .

في طنجرة ناخذو كأس من الزيت البلدية و الملح و الابزار ، الزعفران شعرة ، السمن ، عويدات القرفة ، سكينجبير ، الخرقوم ، شوية الماء.

نعمرو الدجاجات بالخضر اللي قطعنا و نسدوهم بالأعواد ثم نوضعوهم في الطنجرة و ندهنوهم مزيان بالعطرية اللي في الطنجرة ، نقطعو 3 مطيشات و 2 بصلات و قبطة الربيع مقبطة ونقلي الكل قليلا ثم نزيدو الماء اللي غادي يطيب لينا الدجاج .

فاش يطيب الدجاج نهزوا و ندهنوه بالزبدة و نحمروه في الفرن .

بالنسبة لباقي الخضر اللي بقات مقطعة نضيفوها للطنجرة تطيب ثم نفورو الكسكس من فوق 3 تفويرات و الأخيرة ندهنوه بالزبدة.

*طريقة تحضير الكرعة الخضراء البلدية : نصلقو الكرعة الخضراء البلدية في الماء و الملح و فاش نبغي نقدم نعمروها بالخضر .

* طريقة تحضير الحمص : نصف كلغ حمص مغسول مزيان و مرطب في الماء و الكامون و الحار و الملح ثم نطيبوه حتى ينشف من الماء. و نصفيوه باش يكون ناشف.

ناخذو 3 مع دقيق و 2 بيضات و نجمعوهم مع الحمص ثم يقلى و يجفف.

* التقديم : في الكصعة نوضعو السميدة ثم الخضر ثم السميدة ثم الدجاج و التفاية من فوق و الحمص و لاباط فروي و نقدموه بالصحة و الراحة

14721607_10210527694806981_2747038199208688488_n

14563558_10210527696927034_1531578585626497571_n

14563562_10210527696607026_5608620292802743704_n

14713783_10210527696127014_5255560225816066417_n

14642283_10210527695927009_8672255903421767375_n

14590292_10210527695326994_7808828686648280413_n




قد يعجبك ايضا
اترك تعليقا