حصرياً – نصائح مطبخية ذكية و عمرك ما سمعتيها من الحادكات المغربيات

نصائح مطبخية ذكية و عمرك ما سمعتيها من الحدكات المغربيات :

– السر ديالي فالحريرة ملي كطيب ونبغي نطفي عليها كنزيد شوية ديال القزبر والمعدنوس ولكرافص اللي كنت ناقصاهم من قبل ونحركها شوية ونطفي.كتجي رااائعة وكلشي كتعجبهم .حريرتي

– الا كنتي زربانه على بغرير باش يخمر ملي تطحنيه فمولينيكس مباشرة ديريه فالكوكوط و سدي عليه و ديري الصفارة و خليه على ما تجمعي البوطاجي و توجدي صوينيتك تلقايه خمر دغيا و لكن عنداكي تشعلي العافية على الكوكوط

-الخضار ملي نبغيو نصلقوها باش تجي بنينة نديرو بصلة مقطعة و حزمة الربيع

-لوبية مفزكة بليلة قبل ديريها طيب مع ضريس تومة محكوك و ملي كيب تكوني حكيتي مطيشة الربيع التومة الملح الابزار التحميرة مطيشة د الحك سكينجبير و السر هو القرفة كتجي فيها لذيذة بزاف و ملي طيب ديري واحد شوية السنيدة و هاهي اللوبية شهوة منها

– الملوي الا بغيتيه يجي مفشفش و مورق ديري الزبدة مذوبة و زويتة و خمارة و فاني و خلطيهم و خلي العجينة قاصحة و لكن مدلوكة

-سر اخر بالنسبة للعصير كنشري ليمون دالعصير بزاف و نشيتو و نغسلو و نعملو فالكونجيلاتور و ملي نبغيه نجبدو و نديرو فالكوكوط يطيب و نحل عليه و نخليه يبرد عاد نقشرو نرمي القشور و العضام عاد نطحنو مع السكر القياس و شي ضانون كيجي رااائع و كيعطي بزززززاف

– الربيع الا كنتي اديريه في الفريكو نقيه و غسليه و ديريه في شبيكة تاينشف مزيان عاد قطعيه كتبقى ريحتو و لونو فحال عاد مقطع

– غادي انزيدكم وحد سر في كسكسو ملي تبقى 15 دقيقة على الانتهاء غادي تحكو فيه شوية الكرعة في الحكاكة ارقيقة بهد طريقة كتجي المرقة خاترة ورائعة

-فاش كنبغي ندور الحريرة كنخلي شوية المطيشة مطحونة ومطيشة الحك ونخلطهم مع الدقيق وندور بيهم الحريرة كتجي رائعة

-الا بغيتي العصير ديال الحامض وليمون يجيك خاتر تناخد اليمون وتنحيد ليه القشرة والعظم نفس شي بالنسبة الحامض وتنقطعهم ونديرهم فبلاستيك وندخلهم تلاجة لفريكو ووقت ما بغيت عصير تنجبد ميكة ونطحن مع سنيدة فقط وتنصفي تيجي حسن من ديال زنقة وبارد ينفع ف الصهد

-بالنسبة للخبز مني تنبغي نعجن غير تنجمع العجينة وتنديرها فميكة بيضة غليضة وتنعقدها وتنبقى ندلكها مزيان وتنضيف زبدة وانا تندلك هاكة يدي مغديش يعمرو بالعجينة والعجينة تتولي مفششة والخبز تيجي هشيش

-من تكوني غادا تشري المعنات ديما يكون عندك طريف تاع المغنطيس في بزطامك باش تشوفي الماعن واش تاع اينوكس ولا مغشوش فيه الحديد

-باش يجيك عجين الكرص والكرواصة وأي معجنات فيهم البيض والحليب ساهل ديري المقادير كلهم عاد زيدي الطحين شوية بشوية هاكا ماغاديش تتلصق العجينة وتجيك ساهلة في دليك

-الكفتةاللي ديال آلتعمار منين كطيب كنزيدلها واحد ثلاثة ديال الفرمجات حتى يدوبو ونعمر بيهم اي حاجة كيجيو بنان

-في مرق الكسكس ديري اللفت زايد وفاش يكمل في الطياب شدي داك اللفت لي زايد وعصره مزيان ولا طحنيه وزيديه في المرق تا يجي واعر واعر

-في الكفتة ادا كانت عندي بلا عطرية كنزيد مع العطرية اوراق النعناع اما معطرين او مقطعين رقاق

-القهوة كنشريها ما مطحوناش ماركة كاريون وكل مرة كنطحن رابعة هاكدا كتحافظ على مداقها وعاد كنطحن العطرية ديالها بوحدها وهدا في حد داتو سر حيت كندير فيها باديانة واعواد قرنفل وقليل من اللوز والزنجلان وابزار ابيض وسكنجبير وقرفة بدون جوزة ولي داقها عندي كيقولي اشنو فيها

– باش تجيك مريقة د اللحم بالبرقوق زوينة و لذيذة تا اخر لحظة و زيدي شوية سنيدة

– الكيك الا بغيتو يبقى لكم مدة طويلة و يبقى هشيش زيدي فيه قطرات من الخل

– اللي مافيها مايقشر التومة تحكها مباشرة في الحكاكة الرقيقة القشرة كتبقى الفوق و كتحصلي على تومة محكوكة بلا ماتصدعي راسك بتقشيرها

– من كنبغي نصايب الكيك بالفواكه الجافة وشكلاط مقطع كندير الفواكه الجافة فشي زلافة ونزيد عليها جوج معالق دقيق كنمرمدهم كنغربلهم من الدقيق كنزيدهم فوق الكيك وهاكدا كيبقاو فالوسط الكيك مكيهبطوش تحت

– فاش تندير كرواصة تنذنهة بصفار البيض وشوية قرفة مدقوقة تتحيد زفورية ديال لبيض وتجي لمداق بنين وريحة رائعة ملي تبدا طيب وريحة عاطية

– لماء ديال ترقاد لحامض تنزيد في تشرميلة ديال الحوت وفي زعلوك وفي المرق ودجاج تيجيب لأكل بنين

– كيفما كان الطاجين باللحم او الدجاج او الخضر تنفرش الجزر هوا الاول عاد نحط اللحوم (باش ميتحرقش اللحم) و تنستف الخضر و عاد نتكب عليهم شوية الزيت رومية ( تقريبا 2 معالق كبار) من بعد تنكب عليهم زلافة مخلطة فيها العطرية و نصف كاس صغير ماء و تنطيب الطاجين على عافية مهيلة و مرة مرة نراقب الماء باش ميتحرقش فالاخير تنزيد شوية زيت الزيتون و رشيشة معدنوس و بالصحة و الهنا

– فاش كنعجن الخبز كنخلط كلشي بدون خميرة كنغطيه ونخليه يرتاح في قصرية حتى نكمل جميع الدار عاد نذوب لخميرة مع شوية سكر نفرغ لما في قصرية ونعطيها 2 ضربات هههه بلى تمارة بلى دليك بلى صداع راس ونعاود نخليها 10 دقائق ونكرص كيجي كيف الشهدة

– باش صدر دجاج المحمر ديال مناسبات يجيك رطب وشارب لعطرية ماشي بيض ومزلق ههههه كنهز جلدة ونفلحو 2 فلحات بالسكين وندخل فيهم العطرية وحامض ونرجع جلدة باش يبقى مشدود ونخليه يرقاد ممكن طيبيه في ساعتو وشوفو على بنة غادي يجي شارب فحال مرقده سيمانة وشحال غادين يشكروه

– سر اخر لدجاج المناسبات بلي تغسلي دجاج وتخليه يتسقطر قبل ما ترقديه بالعطرية وربيع غادة تطحني حبيبات كمون ضروري يكون عاد طحنتية عصري عليهم شوية حامض ومليحة وحكيه على دجاج مزيآآآان من داخل خليه شوية عاد ديري لعطرية غادين تشوفو على تزنزينة ههههه غادة تبقى فمك بلي تاكليه كلشي غادي يتسط عليه اييييييه يتسط بالبنة ديالو

– باش تبقا ريحة الترموس زوينا تاع القهوة كانديرو فيها 2 عودات تاع القرفة او تاع الحليب كاندير فيها قطعة السكر

– باش دجاج كاتحيد منه الزفورية كانغسلوع بشوية تاع الطحين او سكنجبير او الماء اونخليو دجاج يرقاد فهد الخليط

– من كانبغي نحمر دجاج كاندهنو بشوية تاع الهريسة ممممم عل بنة كاتجي فيه

– البيشاميل باش يجي بنين من غير الملح و الابزار و الجوزة حكو عليه شوية ضامة البنة بكري

– سر اخر من تحرق ليك الطياب بلا ماتحتاجي سلك الحرش او تخسري معناتك غادي تاخدي خمارت الحلوة او الماء او ديرها على عافية مهيلة غادي يتحيد ليك انشاء الله كلاشي بلا تمارا

– من تصلقي البطاطة زيدي معاها شوية تاع الخل باش متفركعش ليك او تفتت

– سر طيابي فتكتوتة سواء فلفلة و لا دنجال كنقطعهوم و كنقليهوم مع زيت و الملح و كنخليهوم يتقلاو مزيان عاد كنزيد شرمولة و التوابل و فالاخير قطرات زيت زيتون

– الا بغيتي ماعن يخرجو يشعلو كتخلطي صابون البلدي مع الخميره

– بغيتي تقبي البيتزا مشطة تكون جديدة

الا كنتي مزربة ومشا الحال على نصيب طاجين وكان عندك دجاج قطعيه طرفات صغار وقليه مزيان فشوية زيت حتى يخد لون وفمهراز دري شوي تومة سكين جبير طري والمعدنوس ودقيهم مزيان وزدهم على دجاج ومنين تطفي وهو سخون – زيدي شوي تحميرة ونقيطات خل كيجي رااااائع وفاقل من ربع ساعة كتوجد