حريشات بكريمة الحامض وصفة بنيييينة وناجحة ولي داقها يطلب ليك المقادير

مقادير الحرشة :
2 بيضات
كاس عنبة سميدة رقيقة
كاس عنبة دقيق ابيض
علبة ياغورت
بعلبة الياغورت نعبرو كاس ماء
وكاس زيت
وكاس سكر
1 كيس خميرة الحلوى (7غ بيكينغ باودر )
قشرة الحامض محكوكة
كريمة الحامض:
عصير 2 حامضات
2 بيضات
قشرة حامضة محكوكة
130غ سكر
100غ زبذة
م ك نشا
نخلطو كل مكونات الكريمة على البارد ونعملو الخليط في كسرولة على نار هادئة ونبقاو نحركو حتى تعقاد الكريمة
طريقة تحضير الحرشة :
نخلطو كل مكونات الحرشة ونذهنو القوالب الصغيرة للمول العجيب او مول كبير بالزبذة ونرشو بالسميدة
نفرغو الحرشة في القوالب وندخلوها للفرن حتى طيب وتتحمر ونخرجوها
منين تبرد نحيدو الحريشات من القوالب ونعمرو الحفيرات بكريمة الحامض




قد يعجبك ايضا
اترك تعليقا