حريرة صحية بالخضر مغاديش تشبعي منها

الحريرة من الاطباق الرئيسية في اي مائدة مغربية و لا تخلو منها اي مائدة لكن التدويرة بالدقيق الابيض غير صحية و يمكن استبدالها بالدشيشة أو الخضر مثلا اليوم نقترح عليك حريرة صحية بالخضر مغاديش تشبعي منها

المقادير

 

جوج بصلات كبار
ثلات حبات طماطم
وحد جعدة
وحد قرعة
بطاطا متوسطة
كرافص مخلط قزبور ومعدنوس
حك ماطيشة
حمص مرقد ليلة من قبل
شعرية
قطع دجاج او لحم
ملح.ابزار.سكين جبير.قرفة.خرقوم بلدي
مغروفة سمن

الطريقة

ناخدوا الدجاج ونعملوله العطرية وشوية دالما وقزبور ومعدنوس مقصص صغير والحمص ومغروفة طماطم مركزة
ونخلطوا مزيان مع شوية دالما باش الدجاج يتشرب ليقامة
نقطعوا خضيرتنا بطريقة عشوائية ونعمروا عليها الما وكرافص ونعملوا تطيب جهد عشرين دقيقة
في نفس الوقت نعملو الدجاج ديالنا يطيب نسدو عليهم كوكوت

ملي تطيب الخضرة نفتح عليها نخليها تبرد شوية باش نطحنها .

في هد الاثناء الدجاج والحمص قربوا يوجدوا
نطحن الخضرة ديالي كاملة مزيااان ونفتح على الدجاج وزيد عليهم الشوربة لي طحنت

الا احتاجيت نمرق غنزيد نمرق..
انا تقريبا مكتحتاجش نمرق حيت الماء لي غنحتاج كنعمل بيه الخضرة والدجاج يطيبه فيهم باش كتجي المرقة شاربة النكهة مزيان

تخلي الحريرة تغلا وحد خمس دقايق ونزيد ليقامة الا احتاجت .حيت في الدجاج كنعمل غي شوية ..
هنعمل الملحة. حيت مكنعملاشي من قبل .ونزيد الشعرية وماطيشة مركزة
والا جاتني الحريرة شوية خفيفة نزيد النشا كيف سبق وقلت

نحركها مرة مرة وهي كتغلا ديك مدة عشر دقايق باش ميغيصش الحمص والشعرية ويتكلكل في قاع الطنجرة

نصبهارفي زليفات مرافقة للتمر وشباكية

للاخت كبرياء أنثى من أناقة مغربية




قد يعجبك ايضا
اترك تعليقا