جوج عراضات خفاف ظراف من الأخت أم أيمن و أسامة و الأطباق من الالف الى الياء…استوحي منها أفكارك لالة

السلام عليم ورحمة الله تعالى وبركاته
كيدايرين اخواتي نتمنى ان شاء الله تكونو بالف خير نبداو على بركة الله مع العراضة الاولى للكوتي هادشي اللي حضرت
بريوات بالحوت كانو عندي فالمجمد نسيت ماصورتهمش فاش حمرتهم فالفرن

9d7uwryzb87ckibriqp

وشوصون بالطون والفلفلة مشوية والبصلة مشلظة ومحمرة فالزيت والبيض مسلوق والهريسة

fqesn0kv8gh96r0kjfei

مادلين بالشكلاط وحبيبات الشكلاط

mpy2087hxwm8e06m7ujsnf8xhq3yg1ts8rceynv

وحلوى حتى هي كانت عندي فالمجمد

bi87nn03r882xm6ij69

وطارط بلاباط بريزي والجبن والتفاح معسل

mbi1kxxw45fm3h9831f

ودرت تشيز كيك بالقهوة والبيسكوي

iw3nqngznt2hpntpzlev

وهادي عراضة للعشا جات على غفلة يلاه دخلت من دار القران مع 5 دالعشية وهو يعيط لي راجلي وقالي راه لوسي وواحد السيد معاه جايين للعشا انا كنت موجدة غي الصوبة دالحوت فالصباح بعدا نفعاتني وبديت منAحتىZ وهادشي اللي كتاب نوجد ف3دسوايع هههه
سبقت ليهم الصوبة بالخضر والكروفيت وكلمار مع التمر

3v552jtvc2y93yhlw6lc

من بعد سلاطة خفيفة الروز بالكروفيت والسوريمي والمايونيز غلفتو بلاداند ودرت بطاطا مشرملة مع خيزو والخيار والكروم بالمايونيز كما باين فالصورة

sb9f5czj2xskv3u5bdyc

ودرت الدجاج محمر بالحامض

qklcsejz6eyq16qkocm1

وفالاخير وجدت فلان بطبقتين وحدة عادية والتانية شكلاط وزينتو باللوز مهرمش والاناناس وطبق ديال الديسير

71ax718wfvqul3np1fcp




قد يعجبك ايضا
اترك تعليقا