جوج شهيوات بالدجاج مقرمشين لذاذ و ساهلين

بسم الله الرحمن الرحيم
اخواتي غنعطيكم 2 طرق فنين ولداد للدجاج وصراحة تيجي مقرمش ولديد نخليكم مع المقادير والطريقة

المقادير

فخيضات الدجاج على حسب الاشخاص
معلقة صغيرة من كل التوابل ملح زعتر سكسنجبير خرقوم بلدي ابزار 2 دريسات التومة 2 معالق كبار خل 2 معالق كبار موطارد 1 معلقة كبيرة قزبر مدقوق( يمكن ليكم تعوضوا موطارد بدانون مسوس ) 2 معالق كبار صلصة الصوجا هدا الخلطة غنستعملها للاطباق بزوج

نخلط جميع العناصر ونرقدهم فالفخيدات مدة ساعة اواكتر

من بعد نعملهم يتبخروا فالكسكاس مدة 20 دقيقة
gmhld1rlys6ogvhvkwui yidpm1q4zaast21jf4i4 ibdepggkov2xebvpjri

ندوزو دابا للطريقة التانية

ناخد هبرة بيبي او هبرة الدجاج على حسب الموجود عندك في الدار نفرش ميكة غدائية ونحط اطراف الدجاج ونغطي بالميكة وناخد المدلك ونبق نضرب فيهم حت ترقاق عندنا الهبرة وتولي كلوريقة

ناخد خيزو نقطعوا مربعات صغار مصلوقين في ماء مملح
بطاطة مصلوقة في ماء مملح ونعركوها وهي سخونة شوية كاشيرالسوريمي محكوك شوية فروماج احمر محكوك شوية الربيع مكرد وطبعا لهبرة لتنكونوا رقدناها فنفس الترقيدة لي عطيتكم فالاول

تناخد الميكة الغدائية ونسرحها ونحط فيلي تاع الدجاج ونبدا نعمر ندير شوية بطاطة خيزو كاشير فرماج احمر وفي الاخير الربيع ونلويه بحال شكل الفقاص

نجمعوا مزيان من الجنب ونعملوا فالكسكاس يتبخر مدة 20 دقيقة ملي يطيبو مزيان
تناخد الصلصلة لي شاطت لي من الاول او الا مشاطتش تنكتفي غي بشوية موطارد وصلصلة الصوجا نخلطهم مزيان وندهن بيهم الدجاج وندوزهم فالكورن فليكس بعدما نكون هرمشتوا شوية بالمدلك الصور تتوضح ليكم المراحل الا مكانش عندكم الكورن فليكس يمكن ليكم تعوضوه بلاشابلير او الخرطال او الزنجلان حت هما تيعطيوه مداق زوين وتيجي مكرمل
وندخلهم للفرن يتحمروا
m4xsukb4r4k627c4xt0e 2p56wosw52r225k0rkj 7apja5e5yuxefnzrdcb j1e2w7j28xo1qvl7clhb mcsccetr58hl4bv07no tpcivj3avqth8eiekxgk oob6nn1k6q1ti8urkh40 rtsdd8bb0a9cqvqobzel bd5am200q7gseul5x9be 1bj4cg1tcd88ookc7vml jtwiputlx3ms23cgsj1x 8k9k79so7wpms7956a34

 

وهاهما ملي وجدوا نتمنى تجربوهم ويعجبوكم




قد يعجبك ايضا
اترك تعليقا