جبت ليك شمبوان طبيعي صيبيه فالدار يرد الشعر غزاااال وميتعداش 5 دراهم

كثرت الشامبوانات والاشهارات ديال الشعر فاللخر والو . والمشكلة المكونات ديالهم كتقتل الشعر وكتخليه يطيح وكتخرج عليه .

وانا جبت ليكم هاذ الوصفة لي طبيعية ومكتضرش الشعر بالعكس كترطبو وتوقف تساقطه وتحيد حتى القشرة وغير بـ 5 دراهم او اقل .

المقادير

 3 معالق كبار الخزامي او السالمية او المعدنوس او البابونج( المهم اختاري العشبة لـ بغيتي على حساب نوعية شعرك الا كان شعرك مصبوغ بالاشقر وبغيتي لونو يثبت ديري اليابونج ) المهم ديري غير عشبة وحدة من هادو

3 معالق كبار صابون الجلسرين (انا درت صابون الكف) ميكونش فيه الريحة بحال دوف اولا شي عجب وعنداكم ديرو صابون البلدي راه ممزيانش لللشعر

1 litre ديال الماء سخون

الطريقة ساهلة جدا

كنشدو كسرونة ونكبو فيها يترو ديال الما طايب + 3د معالق من العشبة الي ختارينا = نغليوهم حتى يتلون الماء

ونخليوه يبرد ونصفيوه مزيان ; و نديرو عليه 3 معالق صابون محكوك وندوبوه فوق

العافية حتى مبقاش صابون المحكوك ونبقاو نحركو وبالصحة والراحة

 




قد يعجبك ايضا
اترك تعليقا