جبت لك حل راائع يهنيك من حكان المواعن ويرجعهم كيشعلوا ويرجع حتى الحيوط دالكوزينة ولافابو كيبريوا وغير بـ 10 دراهم

شكون اللي منا ماكتمحنش مع تنظيف اواني الالمنيوم
اوووووووووووووووف
الجيكس+الصابون البلدي يوميااااااا قهرونا عالاقلالمقراج والكوكوت والابريق والكمية خاصها تحك كل يوم.
ولكن
الحمد لله لقيت الحل
ب10 دراهم
الرخا لله
هو
هو
هو
بروديوي
عبارة عن
2 ميكات
وحدة فيها ماء ازرق الثانية بودرة بيضاء

نجيو لطريقة الاستعمال:خودي الجيكس وغطسيه فالماء الازرق حكي الكوكوت متلا حكة خفيفة وخودي زيف ناشف عملي فيه شوية البودرة ودوزيها عالاناء
النتيجة لمعان وبريق عمرك وصلتي لو من قبل …..

انا لقيت واحد السيد مفرش فالارض خديتو منه.وقال لي كيجيبو بالجملة من حدا قسارية الشاوية بالبيضاء.
نجيو للبينوار ولافابو,لاتيد ولا جافيل كاين واحد البرودوي كيحيد الطبايع الدابغة والقديمة ف 30 دقيقة بلا مجهود عبارة عن منظف سائل فقنينة فيها لتر واحد.
بالنسبة للاستعمال بللو البنوار مثلا وخودو اسفنجة مبللة وعملو فيها القليل من هاد البرودوي ومنين ترغوي مزيان دوزوا عليه الاسفنجة وبعد30د خودي كتان مبلل شوية ومسحو بيه .
البرودوي اسمه فيلاس وتمن شوية غالييييييي

10دراهم

والافابو ديال الانوكس ديال الكوزينة وزليجها العامر باليدامممم والزيت
ومابغاش يتحيد,بنفس طريقة الاول استعملو هاد البرودوي شمس اسمه شمس وتمنه 8دراهم فقنينة بيها لتر واحد.
النتائج ولا اروع

هاذ المنتوجين انا كنت خديتهم من سيدي معروف نصحاتني بيهم واحد الاخت الله يجازيها بيخير
نجيو لسانيكروا فالاول كنت نسعمل هاذا
موسيو بروبر
ولكن تاحد ماكره ما احسن وارخص فنفس الوقت

انا الان بعد التجفاف ومنين كنسالي كاناخد بخاخ عاملة مسبقا فيه سنكروايا الجديد اللي عمرو يخطاني
هو سنكروا ديال العبار برائحة المسك واحذروا كين اللي كيبيعو مخفف بزاف .انا كاناخد لتر مركز ب 6دراهم والله العظيم منين كنرشوا رائحة باردة وغزالة فالدار.

اما زربياتي باش مايحراشوش كنستعمل لهم واحد البرودوي لا تيد ولا اومو لانني جربتو وكتولي الزربية حرشة
ايوا هاذا معروف
الشمبوان اللي كيبيعو اصحاب الشمال كونتربوند
انا كناخد ديال البنان لان ريحته زويونة.آه نسيت الثمن 8دراهم قرعة كبيرة تصبن تعاود وتعاود
واناكنغسل بيه تالميمي القطيطة ديالي.

وعندي واحد لبيت صغير مافيه ولا سرجم عاملينو مخصص للصلاة والقراءة لانه كالمممم والكل كيسولني كيفاش ريحته زوينة زعما؟
السر انه تحت الزربية مفرشة الخزامة هي اللي كتطلق ديك الريحة الغزالة فالبيت.
اما شي ديكورات ديال النحاس فباش مايتغبروليش مغلفاهم بالفيلم اليمونتير وهاكا كنحافظ عليهم

 

 




قد يعجبك ايضا
اترك تعليقا