تخوى ليك الماء على الزربية..اجي نقوليك كيف تنشفيها بلا ما تنشريها

ما كاينشي فينا لي ما عمرها تخوى ليها شي كاس دلماء على الزربية.

وكنبقاو مبرزطين ومغاديش تنشف دغيا مع هاذ الجو البارد

وأكيد أكيد مغاديش نشروها وعتبقى حتى تطلق ريحة خايبة

داكشي لاش جبت ليكم طريقة طبقتها انا شخصيا وعطاتني نتيجة زوينة

ايوا يا لالة باش تنشفيها وبلا ما تنشريها ما عليك غير بـ la bouillotte ديك القرعة ديال الكاووتشو لي كنسخنو بيها رجلينا او الفراش فايام البرد .

غادي تعمريها بماء غليان جدا وسديها وحطيها على البلاصة الفازكة بدون الغشا ديالها.

خليها واحد المدة من بعد غتلقايها نشفات .

الى كانت البلاصة لي فزكات كبيرة او مبلولة بزاف عاودي العملية مرة اخرى .

هاد الطريقة انا مجرباها مرات عديدة وكتنفع بزاف خاصة الى كانت الزربية كبيرة وتقيلة وداخلة تحت الطوابل اش جا ما هزها ليك.

نتمنى تستافدو من هاد الفكرة وما تنساونيش من الدعاء.




قد يعجبك ايضا
اترك تعليقا