بعد قلق جمهوره تامر حسني يشرح أعراض انفجار الزائدة التي ظهرت على ابنه آدم

بعد المضاعفات التي عانى منها نجل الفنان تامر حسني و المغربية بسمة بوسيل بسبب انفجار مفاجئ للزائدة الدودية التي أجرى على اثرها عملية ثانية ليرقد في العناية المركزة للمرة الثانية،خرج تامر حسني برسالة على سطوري حسابه أنستغرام يشرح فيها الأعراض التي ظهرت على ابنه لتفادي الوقوع في نفس الحالة و لتجنبها و كتب في نص الرسالة:

“أنا مش عارف أشكركم إزاي على كم الدعوات اللي دعيتوها لربنا لشفاء آدم ابني اللي جاتلي منكم هنا وعلى تليفوني وتليفونات كل المحيطين بيا هو عمل عمليتين كبار بسبب انفجار الزايدة المفاجئ، اللي كانت أعراضه سخونية عادية بس وبقولكم كده عشان تبقوا حريصين مع نفسكم أكتر ولولادكم. ومش كل سخونية تقولوا ده شوية برد وخلاص لا روحوا اكشفوا كويس و اعملوا سونار على البطن و الزايدة مرة و2 عشان برضو ساعات مش بيبان و لازم الدكتور يضغط بطريقة معيّنة، تقريباً أقوى شوية عشان يعرف لإني سمعت كتير اليومين دول إن الزايدة خادعة”
وأضاف: “اطمنوا كذا مرة قبل لحظة انفجارها عشان بجد مشاكل بتحصل بعدها كبيرة و محزنة أوي وحبيبي آدم عمل عمليتين صعبين أوي عليه وبدعواتكم مستنيين النتايج تكون خير يارب ويعدي مرحلة الخطر يارب، بحق كن فيكون اشفيه وعافيه، هو وكل ولادنا بس هو راجل و هيتحمل وإن شاء الله ربنا يكرمه ويعافيه ويحفظه هو وإخواته ويحفظ كل ولادكم يارب”.
وتابع حسني: “وأحب أقول تاني شكراً من كل قلبي على دعواتكم. أنا شايف قلب كل حد فيكم وهو بيدعي بصدق متشكر أوي يا جماعة شكراً لكل اللي اهتم وسأل عن ابني ودعاله هنا أو على التليفون واللي طلعوله صدقات لشفائه من غير ما يعرفونا شخصياً أنا مش لاقي كلام أشكركم بيه وأنا برضو بدعيلكم وبقول لكم مثلها وأضعاف أضعافها وربنا يحفظكم ويحفظ أولادكم قادر يا كريم”.