الممثلة مونية لمكيمل تحتفل بحصولها على رخصة السياقة
تقاسمت الفنانة المغربية مونية لمكيمل على حسابها انستغرام خبر حصولها على رخصة السياقة بعد ما كانت قد صرحت مؤخرا عن عدم تمكنها من الحصول عليها سابقا لكونها تخاف من السياقة و واجهت العديد من المشاكل أثناء التصوير بسبب ذلك لأنها تجد نفسا ملزمة بالسياقة و هي لا تجيدها لتتعرض لحادث مؤخرا على مستوى ساقيها.
و كتبت مونية لمكيمل في المنشور الذي رافقته بصور :
“إحذرووووووا خطر متنقل فالشوارع راني خديت لبيرمي وغنبدا نسوق ولبلاكة تسعين غنديرها قد القسرية ونعلقها فوق الطومو
حيدو الشجر والطوطوار والكرارص وياريت لو تخليو تلاتة كيلومتر مسافة الامان خوفا على سلامتكم نتوما راني مكنفرقش بين ليمن وليسر وماكنشوفش فالمرايات حيث مافياش التبركيك ونبقى حاضية بنادم فين غيدور وماكاين لاش ندير السينيال حيث ماشي ضروري نقوليك فين غندور الصراحة كنت كنقول حتى نوصل لأربعين عام ونشرب عقلي عاد ندوز لبيرمي ساعة زهقت بيه قبل بتلات سنين يعني ماشارباش عقلي وماشارباش دوايا وقد أعذر من بنذر دابا خليونا من الضحك لعاااااار كيف كتديرو تسوقو ونتوما كاتديرو السطوريات ولا تجاوبو فالتيليفون أنا راه الراديو مكنبغيش نسمعو وانا سايقة حيث بالخلعة كيتشتت تركيزي واش غي حيث مبتدئة ولا هذا هو العادي
المهم باركو ليا وخافو على سلامتكم يا مستعملي الطرقات
سي عمر العمراوي شكرا على صبرك وطولت بالك معايا حتى تعلمت عندك للسياقة سامحني من عذابك “.