المصلوح هو أعدى حاجة عندي نديرها حتى لقيت الحل لي هناني

سلام حبيباتي لباس عليكم

اليوم جيت نشارك معاكم واحد الفكرة لي هناتني من واحد المهمة كتجيني ثقيلة وكتعيني ومكتعجبنيش ولي هي

المصلوح متضحكوش عليا ، هو اعدى حاجة عندي نديرها

و ديما كنطلب شي احد يهنيني منه وخا نعرف نخلصه حيت ماشي كلشي الحوايج نقدر نديهم للمصبنة

و اليوم تجمع عليا واحد الكركور كان غيجيني انهيار عصبي منين شفته

ولكن طاحت في بالي فكرة كنت سمعتهامن واحد الأخت  و قلت مع راسي ما خاسرة والو نجربها و الا ما نفعاتش ما تضرش

الفكرة باختصار و هي انك تديري ورق الالومنيوم تحت المنديل اللي غادي تحطي فوق الطابلة ديال المصلوح

عاد تبداي تصلحي الحوايج و سبحان الله

من الدقيقة الاولى بان الفرق و ولا المصلوح كيجري فوق الثوب و الحوايج كيتطلقوا دغيا بدون مجهود

و عجبني الحال في حين انني من قبل كنت كنصلح وانا سبعين جن قدامي بالفقصة

سيري امولات الفكرة الله يعلي مقامك و يبيض وجهك و ينور طريقك




قد يعجبك ايضا
اترك تعليقا