بالصور الطنجية المراكشية بحال ديال الفرناتشي…مذاقها لا ينسى مع سر البنة الأصيلة

من الاخت رميساء 77

تفضلو  مرحبا و ألف مرحبا هذا عشايا اليوم شاركوني فيه قولوا بسم الله و زيدو القدام
اليوم جبت ليكم واحد الطريقة باش طيبوا الطنجية المراكشية على حقها و طريقها أنا تنديرها تطلع بحال إلى طايبة في شي فرناتشي.
بغيت حتى وحدة فيكم ما تحرم من مذاق الطنجية الرائع. و تنتمنى تعجبكم هاذ الطريقة و تطبقوها و ردو عليا الخبار.

المقادير

كيلو ونص اللحم الغنمي
5 أو 6 فصوص الثوم مدقوق و لا محكوك.
زعفران شعرة أو عادي
2 ملاعق السمن حر
ملح
السكنجبير
2 ملاعق كبار الكامون
حامضة مرقدة مقطعة على 4
كأس ماء
و المهم و السر تاع بنة الطنجية أنها تيدار فيها خونجلان إيه خونجلان عود دقيه شوية
أنا راه نسيت مادرتو في التصويرة كنت مخلياه في المهراز
نضع جميع العناصر في الطنجية و نخلطهم مزيان
و من بعد تنديوها لفرناتشي

 

إيه الكوكوط و لكن أنا تندير فيها الرماد

تنغطي الطنجية بطرف الكارطون و لا كيف ما في الصورة بورق الألمنيوم و تنوضعها في الفرناتشي ديالي بهاذ الشكل لي في الصورة

إيه الكوكوط و لكن أنا تندير فيها الرماد 😀

تنغطي الطنجية بطرف الكارطون و لا كيف ما في الصورة بورق الألمنيوم و تنوضعها في الفرناتشي ديالي بهاذ الشكل لي في الصورة

تنوضعها على النار مدة ساعة ونصف تكون النار مجهدة شوية ما تخفوش راها ما تتحرقش و تتخرج لذيذة. بحال كيفما في الصورة.

 

anaqamaghribia925ce30e91 anaqamaghribia86319b0441 anaqamaghribia00ecca9ae9 anaqamaghribia6572698b99 anaqamaghribia6c5dab5ec0 anaqamaghribia49c8d1ec1b anaqamaghribiaff02d73441




قد يعجبك ايضا
اترك تعليقا