السفة باللحم طبقات والفواكه الجافة

نقدم لكم سفة بريستيج باللحم طبقات كتجي رائعة المذاق،تفنني لالة في تحضير السفة بطريقة مميزة وراقية.

-تحضير السفة باللحم طبقات –
-السفة باللحم طبقات بشكل آخر جديد ياااااسلااااااام
-المقادير نصف كيلو سكسو رقيك مفور 3 مرات وفي تفويرة الأخيرة كانسقبو بعلبة حليب الكوك { هد الحليب كيخلي السفة ديالنا تطلع جد رائعة } و ملعقة الزبدة
-نصف كيلو اللحم هبرة
-ملحة
-سكنجبير
-شوي الخرقوم
– 2 حبات قعقلا
-عود القرفة
-3 ملاعق زيت بلدية
-كيلو بصلة مقطعة رقيقة
-ملعقة العسل أنا ستعملت العسل الحر
-رابعة اللوز مسلوق ومقرمش ومقليو مهرمش
-رابعة المشماش مرطب فماء غليان
-الزبدة
-الفواكه جافة للتزين
-الطريقة :
-كناخدو اللحم مقطع مربعات صغار مع العطرية والزيت ونديروه فالطنجرة على النار مهيلة حتى يطيب بلا ماء وناخدوه ونفرتتوه وناخدو ديك البصلة نقطعوها رقيقة ونفوروها مع عود القرفة وشوية الملح حتى تتذبال ونديروها في فمقلة مع ملعقة كبيرة الزبدة ونزيدو ملعقة العسل الحر او العادي حتى تتعسل ونزيدو عليها اللحم الي فرتتناه ونخليوه ونمشيو للوز والمشماش كاناخذو أي حاجة بغيناها أما المشماش ولا الأنناس ولا الشريحة ولا التمر ولا غير الزبيب ونرطبوه بالماء غليان ثم النقطعوه طريفات صغار نديروه في المقلة مع ملعقة الزبدة و ملعقة العسل حتى يتعسل ونزيدو اللوز مهرمش.
– نمشيو المونطاج
-ناخذو الإطار نديرو تستيفة ديال سكسو ثم اللحم مع البصلة ثم اللوز مع المشماش ونديرو طبقة وحدة أخرى ديال السكسو ونزينو بالي بغينا وحبينا وبالتالي بالصحة والراحة.




قد يعجبك ايضا
اترك تعليقا