الدجاج ديال المناسبات بالشعرية الصينية والموطارد والصلصة الحارة

بزاف منكم طلبو مني طريقة تحضير الدجاج اللي في الصور
طريقة جد سهلة و كيجي لذيذ
كناخدو الدجاج كنغسلوه مزيان و نديروه في الخل أو الحامض باش كنحيدولو الزفورة
كنغسلوه و نصفيوه مزيان خاصو يكون ناشف
بالنسبة للخليط باش كندهنو كندير فية لكل دجاجة 2 م ك كريمة الطبخ، م ك موطارد، م ص حار ، 2 م ص سكنجبير، م ص تحميرة، ملح و ابزار
كنذهنو بيهم الدجاج على الأقل ساعة قبل منطيبوه و كنذخلوه للفرن لمدة ساعة على 180درجة

بالنسبة للتقديم كيف ما كتلاحضو في الصور كنقدمو بجوج طرق بالشعرية الصينية على طريقة عمارة البسطيلة اللي غتلقاوها في الصفحة أو كنرافقهم بخضر معمرة
و كنزينهم و فرماج و بيض السمان و الزيتون الأسود
و بالصحة و الراحة

شهيوات مغربية مع سارة

 




قد يعجبك ايضا
اترك تعليقا