الدجاج بالحامض مصير وزيتون مسلالة

اليوم بغيت نتقاسم معاكم واحد الشهيوة رائعة، الدجاج بمسلالة على الطريقة الفاسية ننصحكم تجربوها راه المذاق رائع لا يقاوم.

المكونات:
الثوم
الملح
سكينجبير
القزبور يابس
الخرقوم
الحامض مصير
ماطيشة
بصلة
كمون
تحميرة
قزبور ومعدنوس طري
الطريقة:
نوضعو الدجاج والبصل فطنجرة الضغط على النار،نضيفو التوابل،نقليو الدجاج ثم نضيفو مقدار من الماءمنين يطيب الدجاج نص طياب كانزيدو مسلالة اللي صلقناها شوية فالما مع الحامض وشوية ديال الملح وكانزيدو ماطيشة وحدة محكوكة ومعلقة كامون ومعلقة تحميرة.والقزبور والمعدنوس والحامض مصير،نخليو الكل يطيب على نار مهيلة ثم نقدموه بالصحة والراحة.