البغرير لي عمرو حشمني سهل وناجح بالسميدة والقليل من الدقيق الأبيض

كندير فيه نصف كيلو سميدة رقيقة +زلافة فورص+بيضة +ملح+ شوية خميرة معجونة او حبوب+ +2خمارات+ الماء تقريبا 4 زلايف او اكثر عينك ميزانك نخلطو جميع المقادير الا لخمارات.
من بعد فاناء بادينا حتا ناخدو قياس الجراوة ونديره فمولينكس نصبوه فالاناء لي يرتاح فيه عد نضيفو الخمارات ونخلطو غير بالمغرف ونخليوه ارتاح 20 دقيقة ايوا نخليكم مع الصور ….

%d8%a8%d8%ba%d8%b1%d9%8a%d8%b11
ها هو كيطيب وكيحل فعويناتو

%d8%a8%d8%ba%d8%b1%d9%8a%d8%b12

هاهو قرب اكمل

 

%d8%a8%d8%ba%d8%b1%d9%8a%d8%b13
هاهما مجموعين.

%d8%a8%d8%ba%d8%b1%d9%8a%d8%b14
ملاحظة:
الأسرار الثلاثة من بعد مشفتوه هي :
الماء لي نخلطو بيه ميكونش سخون يكون غير طايرة منو السخونية كيف كنقولو الماء سخون ولو شوية كيخرج على البغرير .

الخمارات ديال لحلوة نضيفوهم من بعد منكونو خلطنا البغرير فمولينيكس نضيفوهم فالاناء ونخلطو بالمغر ف حتا تبالنا ندمجت.

السر التالت المقلة الباردة نبردوها من بعد كل بغريرة كندير سربيتة فازكة مزيان كندوزها على المقلة بعد كل وحدة .

و بالصحة و الراحة.




قد يعجبك ايضا
اترك تعليقا