الاسرار لي كندير لسو باش كيجي لذيذ و كيصبر اكثر من عام بلا غمولية

الاسرار لي كندير لسو باش كيجي لذيذ و كيصبر اكثر من عام بلا غمولية

المقادير

كيلو طحين فورص محمر ومغربل
1/2 كيلو لوزمصلوق ومقشر ومقلي
1/2 زنجلان مغسول ومنقي ومحمر( كنقصو زلافة صغيرة)
1/2 رابعة نافع بلدي منقي وحمر
5 دراهم مسكة الحرة
1 كوزة
1معلقة قرفة
1/2 كيلوعسل زمزامي
1/2كيلو زبدة مدوبة
1/2 سكر كلاصي

الطريقة

كنطحنو اللوز في طحانة مطشة
باش اللوز يكون كلو مهرمش فحال هاكا
كندقو مسكة في بلاستيكة نتاعها باش مضيعش لينا فحال هاكا
كنحمر طحين في كسرولة او طنجرة ضغط على نار مهيلة

ونبقو نحركو بستمراااااار حتى يصبح اللون فحال اللى في صورة يعني ما يتحمرش حتى يصبح قهووووي لانو كيصبح مع مدة مرر
نافع ما نحمرهش بزاف لانو حتى هو كيعطي مداق ما زونش اللى تحمر بزاف
كنخدو اناء يكون واسع شوية كنعلو طحين مغربل+اللوز مهرمش+زنجلان مطحون+نافع البلدي حتى هو مطحون ومغربل + سكر كلاصي حتى هو مغربل
كنضيفو كذلك قرفة +مسكة حرة+كوزة بعد ما كنحكوها طبعا
وكدلك زلافة اللى كتفضنا بيها نتاع زنجلان
كنخلطو جميع عناصر مزياااااان وهما ناشفين
من بعد كنعمل لعسل في كسرولة فيها ماء سخون باش يصبح سائل ويسعدنا في جمع عناصر
هدا هو احسن نوع نتاع لعسل وواحد من اسرار سلو وكدلك كيسعدو يبقا حتى اكتر من سنتين بلا ما يخصر

كندوبو كدلك زبدة ونخلوها ترتاح لبضع دقائق باش ينزل لحليب لتحت اللى ما خصنش نستعمل وهو كدلك بدور كيعمل فحال مداق لاغمولة مع المدة
نبدء في جمع عناصر بمكونات سائلة

ضفت زبدة بوحدها بلا حليب اللى نزل لتحت كما هو واضح في صورة
وكدلك لعسل اللى سخنت من قبل وقولت ليكم طريقة
وندلك مكونات مزياااان فحال اللى كندلك العجين وكتصبح اللى جمعتها كتبق مجموعة فحال هاكا
وتقديم حسب الرغبة
بألف صحة وراحة
على ضمانتى ممكن يبقا اكتر من سنة او سنتين الى حتفضتو به في مجمد ، لكن بشرط تبعو جميع مراحل وتحترمو مكونات مذكورة
رمضان مبارك سعيد للجميع

إقرأ أيضا  حيل منزلية باستغلال القفازات المطاطية ستسهل عليك حياتك اليومية وتفيدك كثيرا

 

اختكم الهام أم سعد

 

 

انشري هذا المقال