اجي نقوليك فاش كنهز الحلوى ملي تنكون مسافرة ولي قلتلو هاذ الفكرة كتعجبو وكيطبقها

دائما ملي تنكون مسافرة كنبغي ندي معايا شكيلات دالحلوى للحباب

وتنبدا نخمم فاش غنديرها عييت بشريان السطيلات والبواطات لي فغالب الاحيان ما تيرجعوش.

واحد النهار طاحت عليا هاد الفكرة ولي هي

خديت بيدويات ديال الماء المعدني قطعت ليهم الراس باش يوليو بحال شي سطيل

تم نضفتهم ونشفتهم مزيان……..

عملت فيهم ميكا كبيرة بيضاء وشفافة ونزلتها على جناب البيدو

تم ميكا اخرى بحالها وستفت الحلوى تم وضعت قطعة ميكا على الوجه واخيرا عقدت الميكا الاولى تم التانية

تم لبست للبيدو ميكا اخرى او دورت عليه لصقة لومبالاج تم حطيتو فميكا صاك.

وهاكدا بهاد الطريقة يمكن ليك تعملي كل شكيل في بيدو كيجي خفيف وساهل فالهزان ……….

ويمكن ليك تقطعيه حسب العلو لي بغيت بحسب الكمية دالحلوى لي عندك…………

وملي توصلي بالسلامة عطي الحليوة للحباب يديروها فالسطيلات او العلب ديالهم

وحتى الى بقات فالبيدو ما تيوقع ليها والو

خاص غنسدوه مزيان باش ما يضربها البرد .

وراه يمكن ليك تستعملي حتى بيدو ديال الزيت خاص غير يتنضف مزيان وما تكونش فيه الريحة

هاد الفكرة لي قلتهالو كتعجبو وكيطبقها ونتوما كيف جاتكم؟؟




قد يعجبك ايضا
اترك تعليقا