وصفة الفلفل مرقد في زيت الزيتون لتطويل الشعر ترطيبه وإيقاف التساقط

كيرجع الشعر روعة (تبار ك الرحمن)

عن تجربة شخصية هاد الزيت كندهن منو يوميا شعري + مرة مرة كندير بيه حمام زيت

و شعري بدا كيخلف + كيطوال + زاد يرطاب . بصراحة في الاول ميحسابليش

هوا لكن ملي وقت جميع الزيوت و الماسكات و الخلطات لي موالفة كنستعملها (حتى هي عندها نتيجة)

كنشوف فالشعر بدا كينبث فشي بلايص غير كيقيصهم الزيت + متخافوش من الريحة (بحال لهريسة لكن خفيفة)

ملي عرفتو هو مول الفعلة ههه (هو السلطان فالوصفات لي عملت) قررت نجيبو لكم

المكونات
– 1/4 فلفلة خضراء حلوة مقطع طريفات + زيت الزيتون

الطريقة –
1 كناخدو الفلفة اونغسلوها او نقطعوها طريفات صغيرة الحجم (كناكد فلفة خضراء حلوة غير الربع منها هو لي غاديين نحتاجو)

2 زويتة بلدية (زيت الزيتون القياس لي غادي يغطي ديك الفلفلة تولي عايمة وسط منو )

3 كنعملو الفلفلة فقرعة او بواطة (اما ديال الزاج او ديال البلاستيك لي متوفر)
او كنخويو عليها الزيت

(هادا هو المهم فالعملية) نخليو الفلفلة في الزيت (مدة 3 ايام . يعني الى درتيه يوم التلاتاء مع 10 يوم الجمعة مع 10عاد 3 ايام)

من بعد كنصفيوها

خليوها تسقطر مزيان على خاطرها (متوركوش على طريفات الفلفة بيديكم او بالمعلقة او شي حاجة خليوها تاخد وقتها باش داك الماء لي فالفلفة ميطيحش فالزيت )

من بعد مكنصفيوها كناخدو 2 طريفات (من ديك الفلفة) او نعملوهم فقلب لبواطة او القرعة لي فيها الزيت

هاد الزيت كيوافق جميع انواع الشعر بخصوص النتيجة انا بانت لي من بعد االاستعمال 3

انا صايبت هاد الزيت اليوم و يوم الجمعة ان شاء  عاد غادي نصفيه و نصورو ليكم
كنتمنى نكون فدتكتكم ولو بالقلييييييييييييييييييييييل .