أحمد زاهر يعتذر لابنته بعد مشهد الضرب في “سيد الناس”: “انهرت بالبكاء وجسمي كان يرتعد”
كشف الفنان أحمد زاهر كواليس مشهد ضربه لابنته ملك الذي عرض في الحلقة الثامنة من مسلسل “سيد الناس”،وحكى أحمد زاهر خلال لقائه مع منابر اعلامية ” شخصية “الجباس” إنسان معقد فإنه يتفضح قدام المنطقة كلها بالشكل دا محمد سامي قالي المشهد لازم يتصدق متقوليش دي بنتي وهطبطب عليها، لازم يبقى حقيقي وواقعين الضرب كله كان بجد مكنش فيه أي تمثيل على الإطلاق”.
و قال أحمد زاهر: “وأنا داخل أصور المشهد كنت بترعش وخايف أنا عمري في حياتي ما مديت إيدي على بنت من بناتي، لكن لما اتقال أكشن تحولت لفاروق الجباس ونسيت أن اللي قدامي بنتي وضربتها بجد، وقف التصوير نافورة عياط مني ومنها وحضنتها وقعدت أطبطب عليها وكان موضوع مؤثر جدا”.
وأكمل أحمد زاهر: “فجأة قالوا نصور المشهد من زاوية تانية اعترضت في الأول لكن قالوا مينفعش، عشان أعيد مرة تاني بنفس الضرب والأداء كنت بموت من جوا، وهي ضهرها كله كان معلم أزرق وقعدت 3 أيام مش قادر أبص لها وكنت مش قادر أتخيل أني مديت إيدي عليها”.
جدير بالذكر أن ملك أحمد زاهر في مسلسل “سيد الناس” تؤدي دور ابنة “فاروق الجباس” أحمد زاهر التي تحب ابن عدوه “الجارحي” عمرو سعد فيكتشف “فاروق” علاقة الحب بين ابنته وابن عدوه في أحداث الحلقة الثامنة من المسلسل ويقوم بضربها.