أجي تشوفي باش مهلية فراسي و مبقيتش كنشري الكريمات الغاليين

هادي طريقتي فالعناية بالجسم ديالي وشعري ووجهي لي استخدمت فيها كلشي طبيعي وتهنيت من كثرة المواد والكريمات الكيماوية والفلوس غير غادية وضايعة.

بالنسبة للمواد التجميل مابقيتش كنشري الكريمات الغاليين وليت كنشري كريم مرطب hyderma



راه رخيص و كنزيد ليه شوية ديال العكر الفاسي و هاد الكريم مرطب و مفتح للبشرة فنفس الوقت و للشفتين كندوب شوية ديال الفازلين مع شوية العسل و العكر الفاسي ر كنديرو يوميا كيخلي الشفايف رطبين و حمرين مابقيت كنحتاج لا عكر و لا كلوص و راه العكر الفاسي كناخد منو غرام و نص و كيشد ليا عام.
بالنسبة للرموش كندير ليهم قبل مانعس شوية ديال الفازلين و كنكحل بالكحل البلدي و لاو رموشي تبارك الله طوال و غلاض و ماكنحتاجش ندير ليهم الماسكرا.
و بالنسبة للشمبوان كنشري قرعة كبيرة و كنقسمها على 2 قراعي و كنعمرهوم بمنقوع السدر منها كنقتاصد و منها كنحافض على شعري حينت منقوع السدر كيقوي الشعر.
اوا جربو وردو عليا حتى نتوما الخبار.



قد يعجبك ايضا
اترك تعليقا