يلا شريتي شامبوان وما جالكش مع شعرك ما ترميهش ها شنو ديري به
السلام عليكم ورحمة الله
انا بغيت نقترح عليكم واحد الفكرة طاحت عليا غير بالصدفة وصدقتلي مزيانه بزاااااف
خديت داك النهار واحد الشامبوان وصدقلي حالتو حالتو كيعقد الشعر وكينشفه ببراعة
كنت غادي نرميه لكن بقات فيا 80 درهم
بديت كنستعمله فالتجفيف لكن دار بزاف ديال الرغوة وبقيت كنخوي فالما باش نزول الرغوة قيمة واحد80 درهم اخرى ههه
داك الساعة قلت ما غادي ينفعني الا في غسيل الاواني
خويته فقرعه اخرى كبيرة وزدت عليه مقدار النصف دياله دالخل(هاهي تزادت عليا عاود واحد 2 ونص دراهم ههه) وبقيت كنغسل بيه الاواني
وبصراحه النتيجة روعة لان الكيسان كيخرجو كيشعلو وكذلك الملاعق والشوك وكيحيد ريحة الحوت من القدور
وكيقضي على اليدام من التدويزه الاولى
واخا هاد الصابون ديال الاواني تقام عليا غالي ولكن يستاهل
ومن داك النهار يلا تقاضا لي الصابون كنجيب شوي من الشامبوان وشوي من الخل وكنقضي بيهم على ما شريتو
وهاد الفكرة تنطبق حتى على جيل دوش