يديك تحرقو و تقشرو بجافيل…اجي تشوفي شنو كندير ليهم

اليدين تحرقوا لك بمواد الغسيل مرة مرة نفخي في الليكات وديري فيهم شوية البودر ديال الاطفال او الى ما عندكش ديري غير النشا ودخلي فيهم ايديك غادي يدخلوا بسرعة وبسهولة وكذلك تخرجيهم بكل سهولة ولا يهمك ما تخافي والو غادين يرجعوا كما بغيتي واكثر نعومة وبياض كذلك فقط طبقي وحافظي عليهم وتهلاي في راسك لان الصحة تتبان من الايدين والجمال كذلك منهم تيبدا

ثانيا ديري مقشر يزول لك الخلايا الميتة والقشرة لي تحرقت وغادي ديري لهم مطيشة والسنيدة والزيت بلدية الطريقة تحكي مطيشة وتصفيها و الماء ديالها احتفظي به لمن بعد وهذاك لي حكيتي يعني اللحم ديالها ضيفي لو 2 معالق سنيدة وشوية زيت بلدية وحكي بهم مزيااان ايديك حتى تحسي بهم رطابو مزياان وغادي تفاجاي من النتيجة من اول استعمال غسلي ايديك ثم ديري عليهم قناع مبيض ومرطب ولي هو ماء مطيشة لي خليتي ضيفي لو معلقة الطحين الفورص او النشا خليهم ربع ساعة وزوليهم وانتي تتدلكي بحركات دائرية غادي تلاحظي فرق كبير ايديات رطبين وبيضين ناعمتين ومن بعد غسليهم ودهنيهم بكريمك اليومي لي لازم يكون عندك معتمد دهني به كلما كملتي اشغالك لان اليدين تيتكرفسوا بكثرة الماء ومواد الغسيل فلازم لهم ترطيب على الاقل 3 المرات في اليوم ديري نيفيا ديال اليدين وبالليل ما كاين ما احسن من الفازلين وخاصة الى صاوبتيه راسك وطريقتو اسهل ما يكون لانه تيرمم الجلدة ويحافظ على اليدين من التشقق لي تيسبب في التجاعيد ويرطبهم بشكل راائع وبالصحة والراحة .
ارجو ان اكون قد افدتك ان شاء الله