وصفة كطول الشعر حتى أربع مرات و كتقويه من الجذور

هدي الوصفة عطاتها واحد الانسانة صالحة ثقة عزيزة وقالت ليا استعمليها نشريها للخير يعني
صدقة جارية
وراه أكدت ليا انها في خلال عااااام غادي ان شاء الله شعرك يتضاعف من مرتين الا اربعة مرات
هي مجرباها براسها لاني شكيت ليها على مشكلة شعري خفيف بزاااف هاد
الايام ولا كيطيح لم اترك وصفه الا وجربتها اللي سمعتها نمشي للسوق نشريها لدرجة عمرت الدار بالعلب ديال الاعشاب ولات امي مكنياني العشااااااااااابة

 

المقادير:

الورد مطحون
السنبل مطحون
الخزامة الزرقاء مطحون
العرعار مطحون
حبة الراس مطحونة
شوية القرنفل مطحون(لانه حار )
فاسوخ اسود
زيت زيتون

الطريقة:

تاخدي ربع كاس زيت زيتون وتديري فيه شوية ديال الفاسوخ قد حبة حمص او فول وتوضعيها فوق نار وحركي حتى يدوب تم حيديها من فوق النار
وتاخدي اربعة معالق كبار من خليط الاعشاب المطحونة
وتضيفيهم مع الزيت
وشققي بيهم الشعر ديالك مزياااااااان وخدي المشط وبقاي تمشطي شعرك مزيان حتى تولي القشرة في المشط ديال باش تنشط الفروة والدورة الدموية واخة يطيح الشعر ما تخافي راه الشعر المريض هاداك
يعني الحديد الراشية تطيح ه يبقا غير الصح والمتانة

وبقاي بهد الخلطة اقل شي نصف نهار او ممكن تعمليها بالليل وفي الصباح غسليه عادي
هد الخلطة تعمل كل اسبوع

وان شاء الله غادي تفكريني ونتفكر حتى انا هد الاستادة اللي عطاتها لي بالدعاء الصالح:d
مشكلتنا اانا نستعجل بالنتائج كيقرقشو لينا العينين ايلا شفنا شي عنوان”خلطة تطول الشعر في اسبوع 15سنتمتر “
راه الشعر كيبغي وقت باش يطوال طبيعي لو كان العكس لكان شعري انا واصل لطنجة بالطول

يلا جربو وبلا عجز وادعو لي ان يمن الله علي بالشفاء وجميع مرضى المسلمين ويرزقني ما امتنى من الخير

البوكوصة

قد يعجبك ايضا
اترك تعليقا